誠 (已結業)

趁聖誕節假期，一家三口外出感受聖誕氣氛。差不多成一點先至達IFC,行過見到呢間壽司店,見到有空位，加上一直都想試下，而且BB差不多夠鐘開餐，我就想都諗都無諗就走入去。入到去同侍應姐姐講兩大一人個BB,需要一張BB櫈，侍應姐姐重話好無問題。當我坐低後，另一個侍應走過來，用好 掘語氣同我講：「我地無BB櫈㗎喎」。當堂打個突。算，見今日聖誕節，阿仔又開始餓，費事同你嘈。一打開佢個Menu,真係拍得住五星級酒店日本料理。好，我就睇下你值唔值。我地叫一個8件壽司定食，一個蔥花呑拿魚飯定食。當我地order完野，個侍應重企係到，問我地飲咩，我覺得有d怪怪地，於是打完場，叫佢留低個menu睇睇先打發佢走。一睇之下，原來要茶係要俾15蚊，我見佢d服務咁差，我真係唔係好想俾呢d錢。食物終於來到，一試佢嘅手握壽司，我覺得佢嘅魚生新鮮到一般，甚至有部份魚生有腥味，心諗今次中大伏......由於我地要餵BB,所以需要輪流食。我都知聖誕節，食肆到要做生意，我都想盡快搞掂快d走，唔想阻人做生意。由於我一早食完，到我老公開始食既時候，佢地嘅侍應做左過來望左好多次，依家我並不是兩個人食完唔走坐係到，重點我地都未食完，