喜鍋 海鮮‧火鍋‧小廚 (已結業)

有啲想打邊爐，所以就同朋友嚟咗呢間試吓，見有咁多好評應該唔會死錯人掛。😊蟹籽墨魚油炸鬼 ($58) : 見幾特別所以就叫嚟試吓，油炸鬼超級脆口，墨魚滑亦好彈牙，不愧為必食之選。👍🏻魚鍋海鮮鍋 ($228) : 湯底幾鮮味，而且重有勁多材料，有蝦、花蟹、大蜆、帶子、冬菇、甘筍、雲耳、蘿蔔、雞髀菇 😱 之後自己再叫埋粟米同萵筍放埋落去，成個鍋超級豐富。🤤午餐肉係厚切 👍🏻 餃子餡料飽滿 👍🏻 蟹籽墨魚滑同萵筍份量超多。👍🏻雪花美國肥牛 ($128) : 呢款肥牛雖然係最平果隻，但係都超有牛味 😍 雪花肥牛都正到咁，牛頸脊應該更加無得頂，下次幫襯一定要試試。😋餐廳職員服務超級好，首先入去坐低果時就遞上搓手液同口罩袋俾我哋，之後就開始介紹食物同依家啲優惠，又主動攞熱水比我哋洗下啲碗，見個爐太滾又會主動同我哋較細啲，又會主動問你要唔要加湯，咁嘅服務真係無得頂。