餐廳環境舒服😌
1
我哋揀咗依個放題，又有海鮮又有肉！嘢飲方面除咗汽水仲有自家製作嘅沙冰或者熱飲。
外面亦都有好多打邊爐嘅材料可以選擇，而且亦都有蓋蓋住，比較衛生。
亦都有乳酪雪糕可以俾你自行領取，佢嘅乳酪雪糕出奇地好食😋唔似出面其他商店咁會變咗成舊白色嘅冰🤓
食之前會有舊牛嘅脂肪比你，以免痴底。
安格斯，牛小排，手仔骨同牛舌係推介！！肉味濃，唔出面用其他野加工過嘅嫩滑，反而肉質會厚實小小！
鍋燒嚟到，店員有好細心同我哋講唔好將火力較多過700，因為油會彈到自己。
食肉同海食飽咗，都要食返少少菜去緩和返。佢有十幾種湯底比你揀！一定會揀到眼花撩亂！我地就揀咗番茄同壽喜燒，佢蕃茄味超濃，好出色，再加多小小蕃茄入去煲真係超入味🤣
最後買單兩個人先508蚊，以任飲任食嚟講都真係相當唔錯！
