影片
更多
2022-06-09
159 浏览
第二次幫襯呢間小店lu~上一次黎都年幾兩年前，當時食左海南雞，印象中大大份又唔貴，隔咁耐再幫襯發現都冇加過價，野食都係咁抵同埋都係好多選擇🤩馬來西亞肉骨茶（$98), 始終都係鍾情藥材味多於新加坡版嘅白胡椒味肉骨茶！豬肉有3-4舊大大舊，仲要係煮得好冧好入味，紅棗杞子大大粒，藥材非常足料。成碗湯份量比預期中多，兩個人都至少不左3-4碗，係令人好滿意同好養身嘅必嗌湯品，撈白飯食一流呀🤩順帶一提，白飯只係加10蚊，超抵！娘惹雞煲（$98例牌），例牌都好大兜好多雞🤩呢款娘惹食落帶微酸，寧舍開胃，雞件厚肉入味，咬落去啲汁甚至係咇出黎，忍唔住一舊接一舊狂掃呢間店啲店員超nice超有親和力，值得我下次放工再黎幫襯🤩
馬來西亞肉骨茶（$98), 始終都係鍾情藥材味多於新加坡版嘅白胡椒味肉骨茶！豬肉有3-4舊大大舊，仲要係煮得好冧好入味，紅棗杞子大大粒，藥材非常足料。成碗湯份量比預期中多，兩個人都至少不左3-4碗，係令人好滿意同好養身嘅必嗌湯品，撈白飯食一流呀🤩順帶一提，白飯只係加10蚊，超抵！
娘惹雞煲（$98例牌），例牌都好大兜好多雞🤩呢款娘惹食落帶微酸，寧舍開胃，雞件厚肉入味，咬落去啲汁甚至係咇出黎，忍唔住一舊接一舊狂掃
呢間店啲店員超nice超有親和力，值得我下次放工再黎幫襯🤩
张贴
