至尊滿屋日本料理 (已結業)

呢間放題平靚正，忍唔住又encore 一次今日早放工，所以五點幾就入座，咁早當然無咩人，職員讓我們就坐後便介紹前面有個自助bar, 有飲品和一些熟食。一坐低，就叫刺身做頭盤，雖然唔似某些放題有大大隻虎蝦，但呢度既甜蝦同赤蝦都好新鲜，帶子細細粒又覺得啱啱好。三文魚油甘魚都算厚切，無咩雪味，非常好～而且我地只有兩個人叫既份量唔多，但每次都放得好靚靚咁出來之後我地叫左幾轉壽司，我覺得好好食但係個名就唔係幾記得基本上款款都咁好食燒物我就最欣賞燒羊架，真係好好味，燒得啱啱好，而且好有羊味，食落唔會好硬，出面西餐廳食好貴，呢度食番夠本其他燒物都OK, 係個羊架要特别贊！！當然唔少得叫炸物，熟食，個榴蓮波波好好味，最後叫左個烏冬，拉麵和牛肉鍋，個烏冬同拉麵好味唔會因係放題而退步，湯底好濃，料多。結賬後每人送杯雪糕，我揀左期間限定既柚子，不過太飽，所以拎走，邊行邊食。呢間放題環境雖然迫，但待應服務都好好，下次得閒再來食。