影片
更多
2009-09-19
109 浏览
寫下寫下赫然發現自己又寫到第二百篇食評，真係時光飛逝，近呢幾個月真係覺得時間好似過得越黎越快咁，唔通開心既時光真係過得特別快？不過無咩特別需要憂愁既日子我就已經當佢係開心既時光架啦，做人都係唔可以太奢求架!今日又同媽咪黎到SSP，因為上次買完架衣車返去唔識用，所以今日特登要去學下點用同埋順便行下街睇下有無野買。行街之前當然要醫飽個肚先啦，我地兩個人就黎到信興飲個下午茶啦，一入到去即刻有位，不過要同其他人搭檯的。入面燈火通明，樓底又高，而且熱鬧非常，人聲鼎沸，真係好似去到另一個環境咁，可能我平日都比較少D去呢D較舊式既食店啦，所以又有另一種感受。媽咪仲話鍾意呢度多過蓮香樓喎，話覺得呢度感覺乾淨D衛生D，睇黎上次蓮香樓俾左佢一個唔係太好既經驗喎。XD一坐低個肚已經餓到咕咕聲，梗係要即刻叫野食啦。過去拎點心，見到D蝦餃大隻得好緊要，所以就要左籠啦。佢個餡做得幾好呀，D蝦好爽，有蝦味，同埋好實正，唔會一夾就散哂。不過個皮厚左少少，如果簿返DD就好啦。之後媽咪話想食蓮蓉包，就要左碟啦，個阿姐話D包係佢地自己做，又話有蛋黃係入面，幾HARD SELL喎，哈哈。不過都OK既，其實佢個皮係厚左少少，但
今日又同媽咪黎到SSP，因為上次買完架衣車返去唔識用，所以今日特登要去學下點用同埋順便行下街睇下有無野買。行街之前當然要醫飽個肚先啦，我地兩個人就黎到信興飲個下午茶啦，一入到去即刻有位，不過要同其他人搭檯的。
入面燈火通明，樓底又高，而且熱鬧非常，人聲鼎沸，真係好似去到另一個環境咁，可能我平日都比較少D去呢D較舊式既食店啦，所以又有另一種感受。媽咪仲話鍾意呢度多過蓮香樓喎，話覺得呢度感覺乾淨D衛生D，睇黎上次蓮香樓俾左佢一個唔係太好既經驗喎。XD
一坐低個肚已經餓到咕咕聲，梗係要即刻叫野食啦。過去拎點心，見到D蝦餃大隻得好緊要，所以就要左籠啦。佢個餡做得幾好呀，D蝦好爽，有蝦味，同埋好實正，唔會一夾就散哂。不過個皮厚左少少，如果簿返DD就好啦。之後媽咪話想食蓮蓉包，就要左碟啦，個阿姐話D包係佢地自己做，又話有蛋黃係入面，幾HARD SELL喎，哈哈。不過都OK既，其實佢個皮係厚左少少，但係佢勝在做得夠軟熟，所以都可以接受。個蓮蓉好鬼甜呀，不過媽咪話白蓮蓉係咁架喎，真係有粒唔細既蛋黃係中間，好味。
跟住我地仲要左個豬肚燒賣，可能我比較少食，就覺得幾好食喎。豬肚好煙UN，好入味又夠甜，同埋個肉餡一齊食好正呀，算係屬於較為濃味既食物。最後我地叫左個味菜鵝腸炒河，都唔細碟架，D鵝腸都夠爽，但淡左少少無咩味。唔知佢係咪因為驚D味菜鹹呢，所以感覺上唔夠調味料，成個炒河都係偏淡，我地加左少少豉油成個河粉即刻好味哂。D河粉唔會炒到一團野咁，唔錯。
呢隻茶葉都幾好，夠哂濃味呀。飲畢茶錢每位$6又唔駛加一，食物又好味，偶然黎食下真係唔錯。在此就完成左我第 200 篇食評啦。=)
张贴
