影片
更多
2008-01-10
8 浏览
經常去銅鑼灣食板前都會經過呢間店, 見個門面唔錯, 已經想試好耐。上次去到板前門口叫到80 號, 因為囉左張376 號籌所以就決定同女朋友試下呢間店!等完位一心諗住有得食, 點知剛剛入到去一坐低三分鐘後開始遇到問題-- 自助沖茶個水喉無去水位。隔離位果兩個沖到一檯都係, 竟然幾分鐘都無人埋黎清理!開始揀野食, 開始留意迴轉帶上面既「壽司」睇下有無可以食住先...眼見飯上面既魚生放到比一層水完全封住, 晶瑩剔透, 見到都唔想食!我地諗住即刻整既會比較新鮮, 快快手手寫完, 一舉起手想叫人就突然有服務員一個閃身搶走左張餐牌...歎為觀止!食完第一轉我地已經決定唔會再叫第二轉, 埋完單即刻起身走。為每一款我地叫既食物評價: - 吞拿魚壽司- 霉到好似梅菜咁, 入口即溶。半液態既吞拿魚完全混和係飯粒之中, 唔係望過先食都唔知原來有吞拿魚。 - 蔥花吞拿魚腩手卷- 見唔到吞拿魚腩, 只有蔥花到攪碎左既吞拿魚...好似食緊罐頭吞拿魚咁美味。 - 火炙吞拿魚腩壽司- 熟到一半, 鮮味弱左香味又未燒出, 加上放左一段時間肉質非常之差!四個字: 「暴殄天物」! 吞拿魚腩都可以整得咁差! - 唔記得名,
上次去到板前門口叫到80 號, 因為囉左張376 號籌所以就決定同女朋友試下呢間店!
等完位一心諗住有得食, 點知剛剛入到去一坐低三分鐘後開始遇到問題-- 自助沖茶個水喉無去水位。
隔離位果兩個沖到一檯都係, 竟然幾分鐘都無人埋黎清理!
開始揀野食, 開始留意迴轉帶上面既「壽司」睇下有無可以食住先...
眼見飯上面既魚生放到比一層水完全封住, 晶瑩剔透, 見到都唔想食!
我地諗住即刻整既會比較新鮮, 快快手手寫完, 一舉起手想叫人就突然有服務員一個閃身搶走左張餐牌...歎為觀止!
食完第一轉我地已經決定唔會再叫第二轉, 埋完單即刻起身走。
為每一款我地叫既食物評價:
- 吞拿魚壽司-
霉到好似梅菜咁, 入口即溶。
半液態既吞拿魚完全混和係飯粒之中, 唔係望過先食都唔知原來有吞拿魚。
- 蔥花吞拿魚腩手卷-
見唔到吞拿魚腩, 只有蔥花到攪碎左既吞拿魚...好似食緊罐頭吞拿魚咁美味。
- 火炙吞拿魚腩壽司-
熟到一半, 鮮味弱左香味又未燒出, 加上放左一段時間肉質非常之差!
四個字: 「暴殄天物」! 吞拿魚腩都可以整得咁差!
- 唔記得名, $20拼盤-
內有芥辣八爪魚、芝士蟹籽、蔥花甜蝦三款壽司,
芥八好重芥辣味, 鹹到食半件已經要飲茶..
蔥花甜蝦好似魚蛋粉既雲吞蝦, 又係非常之鹹!
本身對於創意食物配答好有信心...
但係芝士同蟹籽真係非常之絕: 芝士既酸味同蟹籽既苦味配合得天衣無縫!
- 玻璃蝦加洲卷-
隻蝦係全店最好食既食物! 蟹籽同蝦既味道好夾!
不過下面果舊卷...已經扣返哂全部分!
牛油果係黑色既! 玉子係綠色既!
- 三色蟹籽壽司-
口感係蟹籽, 而且有種青新既雪既感覺。
食完好似置身於雪櫃之中-- 一陣雪味...完全無蟹籽既鮮味。
- 雪場蟹柳壽司-
呢樣係最後食既, 所以感覺好似係地獄返到人間一樣。
平心而論, 只係高級既打邊爐蟹柳...實在談不上很好味。
张贴