HIKARI

呢間西餐廳嘅咖啡真係好出色，忍唔住收工再嚟同朋友食一次😋餐廳行簡約風，有落地玻璃，陽光滲透入室內，感覺好溫暖及放鬆！🔸慢煮美國安格斯牛肩肉眼肉眼肉質嫩滑，牛味濃郁，食落一啲都唔嚡，而且仲帶點肉汁嘅鮮味😋仲有海鹽，蘸上海鹽的話，牛嘅鮮味更加出！仲有蔬菜作配料，可以解膩！🔸水牛城炸雞翼雞翼炸得金黃香脆！呢款嘅水牛城雞翼，並唔係直接成隻雞翼都係充滿水牛城味道！餐廳將水牛城醬汁另外送上，可以將香脆嘅雞翼湧上醬汁一齊食！水牛城醬汁辣味濃郁，食落好惹味，超級滋味！🔸香草蕃茄醬繪西班牙黑毛豬肉丸一碟有三粒豬肉丸，面上淋滿濃郁嘅蕃茄醬汁👍🏻仲有薯條作配菜！肉丸咬落肉質唔會太腍，帶點爽口，飲埋蕃茄醬汁一齊食，酸酸甜甜，食落好開胃！伴碟嘅薯條炸得香脆可口😋🔸 湯力咖啡飲咗心心念念嘅湯力咖啡😋咖啡味香濃，好甘香！大推大家嚟試吓餐廳嘅咖啡飲品！