二少廚房 (已結業)

隱藏於觀塘的工業大廈的food count!有美味的手撕雞飯！其實之前都食過幾次，今次就試下外賣返屋企當霄夜！都唔少滑板友，打工仔排隊！今日太肚餓所以叫左飯！下次一定要試個伴面！加13蚊就有燉湯喇！老虎蟹都加啦！外賣飯同餸係分開架！手撕雞可能因為拎返屋企需時，賣相差dd，但食落雞肉嫩滑又入味！最正係佢個麻辣汁，真係食過會返尋味！燉湯都好足料！叫左花旗蔘燉烏雞，有成大舊烏雞在入面！不過就無咩花旗蔘味！有時間可以望住希臘小島壁畫食飯！成日都經過，會繼續來開飯！