MGB by Manhattan Grill & Bar (已結業)

同朋友去觀塘APM行街，行到肚餓但係APM好多人，所以去咗隔離嘅亞太中心搵嘢食，然後見到呢間餐廳門面唔錯又少人就入咗去。我點左一個lunch set，有餐湯有前菜，主菜揀咗澳洲西冷。餐湯係一個薯仔湯，入面冇乜配料淡淡地，口感幾滑。前菜係一碟沙律，有巴馬火腿、燒牛肉、水牛芝士、沙律菜同蕃茄，普普通通味道還可以。主菜係澳洲草飼西冷，肉質嫩滑，汁都好味，但部分生左少少，薯條一般。反而朋友同我講佢食嗰個意大利飯好好食，但係我唔記得咗係乜嘢黎。