明記潮館 (砵蘭180+商場)

营业中

休息中

禮拜六晚七點半walk in都仲有好多空位，但過多半個鐘之後都坐滿左九九十十，可見明記潮館雖然係樓上鋪，但都係大家嘅開飯熱點。羊腩煲羊肉軟稔入味，蓮藕夠粉；用香濃既湯汁淥生菜，再加埋南乳醬真係無得頂！唯獨係缺少左枝竹，好似差減啲野咁。蠔仔粥十分足料！係好正宗既潮州粥煮法，米粒粒分明有咬口，就算唔加胡椒粉都毫無腥味！.另外仲叫左芥蘭煲、欖菜四季豆同炒米粉，都係水準之上！叫滿一個價錢，餐廳仲會送個滷水拼盤，有齊哂多款小食，過足口癮。