Pound & Roll (已結業)

平日，下午3點左右行過，好多位。無諗太多就入咗去坐。諗住餐廳叫Pound & Roll, 預設pound cake同sponge roll係賣點。所以叫咗下午茶餐: (1) 伯爵茶蛋糕 Earl Grey Pound Cake (2) 餐肉蛋三文治。熱、凍咖啡各一。(1) 伯爵茶蛋糕配雲尼拿雪糕奉到面前時，已知中伏。份量小，蛋糕表面，有明顯被雪櫃抽乾嘅硬角。如果有密封儲存，包好放雪櫃嘅話，要低溫雪1星期以上，先至會乾到咁。如果無包好放雪櫃，就更驚嚇。姐係無論幾時食，啲pound cake都係乾嘅。蛋糕心，係乾到呈白色。蛋糕無彈性。無水份，無伯爵茶味，無pound cake應有嘅牛油味。喺口裡面一粒粒碎開。溫度過低，一咬，係有一陣凍空氣滲岀嚟。我食咗一啖，就放棄。雪糕溶咗。連最基本，款待雪糕應有嘅擺盤方法都唔識，就收$5X。雪糕下面，一定要有粉狀，或任何可吸收溶雪糕嘅材料，如:餅乾碎，oreo碎，之類。否則整碟甜品，只會似雪糕湯。你想像吓蛋糕索咗雪糕汁，係咩樣。(2) 餐肉蛋三文治不用介紹了吧。咖啡: 我哋叫Americano, 咖啡機沖製，加熱水。好難會有差池。服務: 侍應無因為少客，