新強記燒鵝乳鴿海鮮酒家 (已結業)

好多年無去過大圍食乳鴿，兒時曾經係每個星期日的家庭節目！我地一行6人（4大2小），9點去到唔洗等位。坐低先叫兩枝大啤，再點3隻招牌乳鴿，炸大腸，荔蓉酥卷，琵琶豆腐，雞粥，豉油皇炒麵。招牌乳鴿講真有D失望，賣相唔靚，好乾咁又唔夠金黃色，食落都係太乾身，完全無肉汁同嫰滑感炸大腸合附水準，鬆脆唔太肥荔蓉酥卷係全晚最精彩的，炸得鬆脆，荔蓉味道又剛剛好。連我老公平時最討厭食芋頭及紅豆食品的都大讚。雞粥普普通通，雞份量唔算多，雖然雞件係後加入粥底，不過都有好多碎骨，比小朋友食都要好小心。豉油皇炒麵係另一驚喜之作，個麵唔會油淋淋又炒得好夠火喉好乾身，份量又足，正最差就係琵琶豆腐，粉太多，食落無豆腐味無魚肉味好似咬住一口粉糕咁，咬左一口我無再食。