新強記燒鵝乳鴿海鮮酒家 (已結業)

慶祝中秋節，同老公到大圍附近食晚飯。由大圍火車站只需5分鐘到，都算交通方便，入到酒家已坐滿人，每枱必叫乳鴿、雞粥，緊係唔好錯過一定要叫啦。乳鴿非常入味，啖啖肉，招牌雞粥，粥底香，雞肉滑，再加多個菠蘿咕嚕骨，咕嚕骨酸酸甜甜好入味。經驗多年樓面待應服務態度很親切。

今日專程放工去大圍新強記食乳鴿。可能因為疫情原因，唔係好多人去食。乳鴿都算脆，不過冇想像中好食⋯豉椒炒花蛤就麻麻哋⋯椒鹽吊桶反而比較出色，其他小炒就正常⋯價錢黎講加中等偏貴⋯

今日好友聚會, 我們往大圍新強記燒鵝乳鴿海鮮酒家食晚餐, 們點了半隻燒鵝, 燒腩仔、小炒皇、豉椒炒蜆、海鮮什菜煲和雞粥。燒鵝我們點了半隻, 食落鵝皮香脆, 肉質啖啖肉, 食落有油花, 肥而不膩, 口盛十足, 佐酒一流；燒腩仔食落香脆, 惹味可口,肉質惹味啖啖肉；小炒皇有鑊氣, 材料豐富有青椒, 西芹、腰果、蝦仁和蝦乾等, 青椒, 西芹新鮮爽口；腰果咬落香脆、蝦仁食落新鮮彈牙和蝦乾食落惹味, 整碟小炒皇鑊氣十足, 食落醒胃；豉椒炒蜆蜆食落豉椒味香濃, 味道新鮮鮮甜, 肉質味美, 個認為如果蜆大隻一點更佳；海鮮什菜煲有魷魚, 蝦、粉絲、菜心、西蘭花、冬菇和蝦米。魷魚和蝦食落鮮甜彈牙, 粉絲配上上湯味道鮮甜, 食落爽口、菜心和西蘭花食落新鮮, 冬菇食落軟腍和蝦米帶出上湯的美味, 整份海鮮什菜煲份量足料, 食落豐富；最後雞粥我們點一窩, 粥食落軟綿, 雞肉肉質鮮嫩, 帶點鹹香味, 食落有層次。酒樓座位闊落, 食物美味有鑊氣, 份量十足, 價錢合理, 食了一頓惹味小菜。

今晚約咗朋友去大圍新強記食晚飯，雖然裝修比較舊，伙記服務態度好。其實唔講好多人都知緊係必食乳鴿、雞粥超👍🏼再叫多一個菠蘿生炒骨一樣超👍🏼真心講，真係好好味😋。點解？因為我之前去過都冇今次咁好好味，真係一定直得再去食😊

次次見到都話下次食，今次終於食到。只係食宵夜，所以叫唔到太多野食，我地叫左招牌馳名雞粥、酥炸荔茸卷、辣酒煮花螺、酥炸魷魚。雞粥一窩夠晒６個人食，粥底夠綿，雞件嫩滑，好食！話晒係馳名，好食係正常最好食係酥炸荔茸卷，鍾意荔茸既朋友一定唔會放過呢個，用腐皮卷住炸，炸到脆卜卜，非常好食！辣酒煮花螺,，唔算辣，又係好好食！酥炸魷魚，個人覺得一般~舊式茶樓模樣，而家真係好少有喇~待應們都係上左年紀，服務幾好，相當有禮。

係沙田大圍㨂強記定新強記, 係一個好難決定!有人話強記好味D.新強記泊車方便D, 冷氣唔洗擔心....結果都係選新強記, 如果食到身水身汗的話, 幾好味都矛用.點咗椒絲腐乳通, 椒鹽軟殼蟹, 冬瓜盅, 沙拉骨, 乳鴒同椒鹽豆腐.優點:1, 緊係冷氣夠, 坐得夠舒服啦!2, 可以碌咭.3, 餐廳人客不少, 但上菜極快.4, 六款菜式中大至上唔錯, 冬瓜盅清甜, 乳鴿肉汁豐富, 椒鹽軟殼蟹最正, 外脆內軟份量足，比馳名嘅乳鴿更正！缺點:1, 人數太少唔接受訂位.2, 菜式比較少, 唔通有另一個餐牌?3, 椒鹽豆腐用硬豆腐, 唔係我杯茶.4, 椒絲腐乳通同沙拉骨份量略為不足, 沙拉骨炸得過火少少.下次無咁熱試試強記.

新強記俾人嘅感覺，就係去完大酒店之後食嘅餐廳。因為有客人來了，今天屋企人竟然無啦啦，買咗一隻全隻返嚟加送！ 自己斬原汁原味！ 因為太大隻啦！ 屋企人自己斬都斬到手軟腳軟！ 不過都似模似樣嘅！ 加上酸酸甜甜嘅酸梅醬！ 越食越開胃一隻嘅份量好大，價值$480其實都幾貴下！ 燒鵝肥瘦適中，非常野味！ 上次配埋佢嘅懶粉食，瀨粉爽口彈牙，時間搞得啱啱好啲！鵝油流晒落去個瀨粉度，中和晒啲油膩感！ ！配合燒鵝簡直係絕配！ 今次係屋企食就冇瀨粉，但係仲飯食！ 推介

很久沒來，當然要食馳名的強記乳鴿，果然也是好食。雞粥，就普通普通了。沒有以前那麼好吃了。可能我們太夜到，所以炸大腸，好似是微波爐訂熱，加好多肥的油。不過侍應大多數老人家，親切禮貌的服務值得嘉許。

烈日當空，最好搵間茶樓嘆個下午茶，今次黎到舊式茶樓，新強記。其實新強記係以雞粥同乳鴿起家，今日下午兩三點呢個時間，都係叫返啲點心食，飲杯靚茶好啲。第一次黎呢度飲茶，新強記仲係行緊舊式酒樓系統，拎紙仔出去俾姐姐吸，然後自已攞點心，一黎我地就拎左馬拉糕，燒賣，蝦餃，鳳爪等等點心。馬拉糕鬆軟，唔會太甜，口感幾好。蝦餃燒賣由於我地太肚餓完全唔記得影相，味道同出邊酒樓無乜分別，但勝在好大粒。鳳爪有少少乾，汁水正常。特別要提一提呢個排骨，醃得入味，唔會好咸，肉質彈牙有咬口，水準以上。埋單200零蚊，4位人食到好飽，老店黎講唔算貴。

睇完戲食晚飯，朋友建議去食燒鵝，燒鵝都是我既至愛之一，甘當然係去呢間出色既新強記✌️✌️✌️✌️✌️✌️環境坐位舒適，侍應招呼亦妥善like👍燒鵝——-皮脆肉嫩，熱辣辣又好味，啖啖肉，脆卜卜的皮，點埋酸梅醬，越食越好味，果然名不虛傳的燒鵝👍👍👍👍👍生炒骨——-傳統炒法，酸甜味道適中，靑紅椒，菠蘿又不會過火，炒得剛剛好，又夠奭甜，排骨夠口感，好妹道😋😋😋😋😋煎釀三寶——魚🐟肉爽口彈牙，青椒紅椒又爽脆，茄🍆子夠惹味，

公司飯聚，住在大圍的同事提議到新強記食雞粥，那便一於起行啦我們點了腐乳炒通菜、豉椒炒蜆、苦瓜燘倉魚，燒乳鴿、招牌雞粥，及豉油王炒麵，甜品還有綠豆沙送。雞粥粥底很綿很香，雞件肉質滑溜乳鴿炸得恰到好處，size 適中，最啱送啤酒🍻豉油皇炒麵不過不失豉椒炒蜆非常惹味，蜆肉漲卜卜腐乳炒通菜份量足，不會炒到變黒，鑊氣亦夠苦瓜燘倉魚夠入味，魚肉實淨，送飯一流吖仲有甜品綠豆沙送，水準亦不錯，夠綿及料多價錢不貴，下次會再來

住大圍咁耐 朋友話好味就過黎試下燒鵝好味 濃味乳鴿第一次 我覺得幾好西蘭花帶子係超鹹 食一啖要飲幾杯茶咕嚕骨係我食親中餐都要食既野 算幾好味乾炒牛河特別叫比小朋友食既 我覺得普通

今晚住在大圍的朋友帶我們食好野，咁就一於起行啦原來朋友帶我們到新強記雞粥食飯，真係聞名已久，我是第一次來這裡吃飯啊！由於夠人多，叫餸就可以多元化了。我們叫了煎封百花豆腐、酥炸荔茸卷、至尊燒鵝、炒通菜、招牌靚雞粥、北姑鵝掌翼、生炒骨、炒飯及炒伊麵。雞粥果然名不虛傳，肉質嫩滑，粥底夠綿。炸荔茸卷也很不錯，炸得夠香，吃不停口。北姑鵝掌翼的北姑夠大隻及厚肉，鵝掌翼燘得夠入味。燒鵝反而覺得一般，但其他的餸菜也不錯整體來說，菜式很適合送酒，很合三五成群來啤一啤

今次第一次試呢間出名嘅新強記燒鵝聽就聽左好耐但係就第一次食 haha我哋八個人叫咗六道餸有沙律海鮮卷、椒鹽炒鮮魷、乳鴿、蒜蓉菜心、燒腩仔，仲有燒鵝！我覺得最好食嘅係我最愛嘅燒鵝大大份，兼且啖啖肉但係點燒腩仔嘅黃色芥末醬汁就有d稀芥

燒鵝聞名嘅新強記座落大圍地鐵站隔離, 過條天橋就係, 除左馳明燒鵝之外, 原來炒粉麵都好好食呢! 今日晏左小小出發, 入到酒樓只剩低兩籠胡椒豬肚😂. 照要! 再睇睇其他野食.>胡椒豬肚>排骨炒河>三絲炒麵啖啖卜卜脆嘅炒麵面頭俾勁足料嘅肉絲, 蘿蔔絲, 芽菜, 韭菜, 薄薄勾個芡蓋住, 每一口都食到炒到軟身嘅”三絲”同脆麵.>星洲炒米>我地嗌左三樣炒粉麵完全可以用有鑊氣黎形容, 知道炒野實多油, 但li度嘅老師傅handle得好好, 每碟食哂之後係無一攤油剩低的.