龍華酒店 (下禾輋)

营业中

休息中

講起食乳鴿，相信大家腦海都會浮現「龍華酒店」呢間懷舊既餐廳～適逄Family day，一於就帶埋家人去呢度回味下先～沿途行上龍華酒店，周圍都擺放好多甚具歷史價值既陳設，如果你係李小龍fans就不能錯過，餐廳掛滿大量海報及相片，好岩影相打卡～———————————————————紅樓金陵四位餐🔹龍華紅燒鴿四隻 - 呢度既乳鴿皮脆肉嫩，重點係唔需要加任何淮鹽及喼汁，品嚐原汁原味既鮮嫩乳鴿係最正，真心大推🔹冬瑤薏米老鴿湯 - 湯頭取材乳鴿肉殼，鴿香既精華完全滲透湯頭，再配以清熱下火既材料如冬瓜、瑤柱、雪耳及薏米，夠哂滋補🔹金茸粉絲蒸扇貝 - 扇貝厚身大大隻，重點係上層加左炸蒜及蒜蓉，配搭粉絲及蔥花，每一啖都鮮味突出🔹龍爭虎鬥聚紅樓 - 中式經典小炒皇，用上大量韭菜加入肉絲、豬肉等材料快炒，夠鑊氣送酒一流🔹雜菌肉絲炒烏冬 - 烏冬炒至濕潤，配料加入大量菌類、肉絲及蘿蔔絲，入口層次感十足🔹淮杞上湯浸時蔬 - 白菜仔大大棵以上湯浸制，保留蔬菜既鮮甜，飲落好健康估唔到除左食飯，仲有精彩表演環節～餐廳安排左國粹變臉大師進行表演，同食客打成一片，另外仲有菲藉結他手駐場，即席演奏懷舊英文金曲，氣氛非常熱鬧