龍華酒店 (下禾輋)

营业中

休息中

好耐無去「龍華酒店」，前幾晚同老公難得可以放底小朋友去食乳鴿，隔咗咁耐，乳鴿依然惹味香脆。我哋點咗個二人餐，起初諗住加多個小菜，但店員話二人餐已經夠食，結果係真係剛剛好，雞粥仲有剩添！👫二人餐有：龍華紅燒鴿兩隻賣相吸引，啖啖肉，外皮香脆，而且好惹味！蒜蓉粉絲蒸扇貝蒜蓉味香濃，粉絲軟硬度適中，扇貝都新鮮彈牙，蒜蓉配粥食，好味！金湯海皇魚肚羹上枱時見到賣相係金黃色，以為係甜嘅，但呢個羹係咸咸地嘅，都幾多料，食到粒粒魚肚同蝦肉。欖菜肉碎四季豆呢個好有鑊氣，配粥食又係好夾。生滾沙田滑雞粥粥幾軟綿，帶雞油味，而且有好多雞件，最後係多到食唔哂。