白宮冰室 (已結業)

事關呢類舊茶記，真係買少見少！搞掂一日的工作，同太座行出九龍城碼頭搭船過北角，途經此處。佢雖然舊殘殘，但入面都有唔少人幫襯，當然不少是在看著黃霑先生的追思會的。見四點幾，時間尚早，就入來飲杯奶茶食件包，坐下。其實唔使多講，睇到個「隨地吐痰乞人憎，罰款二千有可能....」的七言絕句牌子，就知呢度起碼三十年歷史。頭頂轉轉風扇，大圓檯，加直角卡位，又係老牌茶記的象徵。叫左奶茶咖啡各一皆要走糖，加件鮮油占多。奶茶幾滑，以茶記標籤來說，是有水準；咖啡也不錯，個人覺得無論去到那裡，飲茶記咖啡，「走糖」是最好的飲法；奶多也是另一個茶記標籤，飲奶茶咖啡，又怎可以沒有它？據觀察，幫襯的都是附近的街坊，或工作的勞動階層，夠晒地道，亦當然沒設禁煙區。埋單20 蚊，幾平，路經此地都可以試試這個本地飲食遺產。