大和牛石燒專門店 (已結業)

上網見到德寶商場開咗間新嘅石燒牛專門店，今次專程嚟試吓好唔好食。餐廳坐落於唔係好起眼嘅商場，不過餐廳裝修感覺都幾舒服，座位闊落。今次我哋等到lunch後冇咁多人嘅時間嚟食。餐廳採用自助形式，落單後可以到自助區攞餐具，套餐亦會包埋沙律、羅宋湯同飯任食。另外亦有唔同醬汁選擇。日本A5和牛肉眼蓋， 200g大約有兩大碟，每碟有8件。雪花比較多，燒起上嚟油脂多，牛味重，入口即溶。如果唔鍾意太油嘅話呢款可能未必啱，不過如果鍾意入口即溶同埋油香味停留喺口腔嘅話呢款就啱晒你！食牛肉一定要配汽水解膩！羅宋湯有大量蔬菜，薯仔、紅蘿、西芹等切粒，仲會有啲牛肉粒添！