新潮樓 (已結業)

🥢食得西餐多都想轉一口味，去左九龍灣展貿附近做嘢，知道呢度有間新開既潮州菜館，真係啱晒胃口啦！💁🏼‍♀️一入到餐廳職員已經非常Nice，後生仔女都好好禮貌，有別於一般酒樓夥計。店內裝修優雅，坐位寬躺舒適，除左必食既打冷潮州菜之外，仲有多款中式小菜，樣樣好味又大份，下次一定要帶埋屋企人黎呀！✨鹹菜豬肚湯（$128）奶白色嘅湯頭微辣惹味，真材實料，有大量嘅豬肚湯鹹菜，唔會過鹹同過酸，飲完暖笠笠好開胃！👍🏻潮式滷水鵝片拼墨魚（$168）滷水汁唔會過鹹，味道啱啱好，鵝片厚薄適中，口感軟腍入味，墨魚亦彈牙好味！🦐自家製蝦蟹棗（$148）顧名思義係由蝦、蟹同豬肉，用腐皮包裹後炸到金黃色，入口超級鬆脆，點埋蜜糖醬汁，更香甜滋味！🐔客家黃酒雞（$138半隻）雞酒用料十足，仲有蟲草花、紅棗等藥材，入口香醇微甜，既濃郁又滋補，非常夠味！✨新潮XO醬海鮮炒飯（$128）炒飯鑊氣十足，有濃郁嘅醬香味，飯粒分明口感唔錯，每啖都食到蛋絲、蝦仁、魷魚。✨反沙芋頭（$68）外脆內粉，口感層次豐富，香香甜甜，當甜品食一流呀！🥬啫啫蝦乾蝦醬通菜（$108）通菜爽脆微辣，鹹香好惹味，略嫌多油咗少少。