釜之魂釜飯專門店 (淘大商場) (已結業)

九龍灣淘大最近食店大洗牌新開左間日式飯店，朋友係附近返工就緊係俾佢拉左去試下啦！一入到鋪頭，店面既裝修就好有日本餐廳風味店舖既主打係鰻魚飯，有唔同既份量選擇而鰻魚既燒法都有兩種，有金同銀，金係蒲汁燒，銀就係白汁燒. 最後我地叫左金，銀鰻魚 ，同埋牛舌飯. 同加左一個茶漬飯金鰻魚飯依種鰻魚既外皮燒到好香好脆，配合埋肥美既脂肪，食落外脆內軟，先食一大啖既鰻魚，口感非常好，配上蒲燒汁，味道香濃，再配飯一齊食，真係好滿足。銀鰻魚飯鰻魚既肉質會相對比較彈牙，但脂肪比例就無咁高。汁既味道都冇蒲汁咁香濃，但食落既鰻魚味道就會更出，更特別。牛舌飯都好有驚喜架，牛舌燒到岩岩好，食落唔會好un，好易入口，食得出有好濃既牛味。再叫左個芝麻雞翼，燒到好香好脆同埋黑松露玉子燒好香濃既味道呀，本人好喜歡😘其實每一碗配既飯都係好相似，佢地既飯會用到日本既珍珠米同薏米混合，食落既感覺比平時更加有層次，再加埋小小既配菜一齊，可惜的是飯係比平時食既米硬，同埋味道偏淡，我呢種重口味人士就覺得差咁d野！值得一提既係當我地食完個飯，個鍋入面飯焦就可以叫工作人員幫你加上湯去個飯到，蓋完蓋等兩分鐘，再加埋小小既配料撈埋一齊，新鮮美