錵の工房 (已結業)

最近朋友SEND左呢間餐廳既MENU比我睇，話想試，一睇，咦？係新餐廳喎，個樣都幾靚，決定去試！我哋12點半去到啱啱好有位，我哋坐完之後就冇晒位要等位啦。咁坐低就睇餐牌啦，大概都係＄6-70左右嘅價位。朋友叫咗個茄子和風豬扒飯，我叫左個和風牛肉定食。定食包括一啲漬物同湯。可能人太多上菜比較慢，同埋會有少少甩漏。但新餐廳好多都會咁，所以都唔會奇怪。漬物同配菜好食，肉既份量都唔少，整體配合得幾出色。呢個價錢配呢個食物質素，值得再黎！