錵の工房 (已結業)

今日比較晏食lunch 😛，諗住喺工廈搵下有咩好食，叫埋同事上黎呢間日式餐廳試下！因為已經3點，所以場內唔多人聽同事講lunch time幾full 架!午餐有好多選擇，價錢都唔貴🤗我叫左蘆筍欖菜炒豚肉便當都幾大份，飯係珍珠米味道OK~ 好有欖菜香味，不過咸左少少🤏另外仲有前菜同味噌湯添！同事就叫左日式天婦羅蝦配咖哩便當同樣係好大份，除左蝦，仲有炸冬菇、南瓜食到好飽！味道就不過不失啦😆埋單 $110，唔駛加一間唔中都可以上黎再食既~😛😛…查看更多

自從到咗九龍灣返工之後，潛入依區搵黃店食，靠靠 #網上外賣平台hk 先搵到依間喺樓上嘅日式餐廳。疫情之下，買外賣返Office食好似穩陣啲。咁今次叫咗個鹽燒三文魚便當。雖然話係便當，其實都算幾豐富，份量亦非常足夠。.鹽燒三文魚便當評分：🌟🌟🌟⭐️三文魚份量多，但可惜唔夠多脂肪、三文魚油，最後個三文魚有少少乾。配菜仲有醋浸紅白蘿蔔，都令我幾開胃。佢哋都使用咗珍珠米，配合返佢嘅日式嘅形象。.連便當配送飲品同麵豉湯…查看更多

自家製和牛芝士漢堡口味比較清新，夾住好多蔬菜例如生菜，青瓜，蕃茄，但小編略嫌有小小 Dry成個 Burger 欠缺左 Juicy 濃烈既醬料味道顯得好平淡，芝士可以燒到半溶狀態會更加出色漢堡煎耐左太熟，比較結實，冇甘易入口-南瓜湯濃郁好飲，仲有少少南瓜渣，甜甜地甘薯角炸耐左，唔夠香脆，而且同黃芥末醬唔match整體而言，成個餐比較普通，有改善空間…查看更多

九龍灣工廠區除了茶餐廳，一直比較少餐廳選擇，所以就諗住試下呢間工廠內的cafe，誰知食到一肚火。首先講拎飛等位，我同同事拎咗飛等位，突然有一個女仔去reception講聲就入去坐咗，仲要係八個位。問個女店員點解個女仔可以咁快入去，佢就話人地打電話嚟拎飛，那即之後可以早啲打嚟拎飛，但唔叫做book位喎，因為無得book位的。之後有另一位客人嚟到拎飛的客人又係七定八位，個男店員話齊人先可以安排入坐喎，咁鍾意搬龍門佢地玩晒啦⋯⋯等到我被安排入坐，之前打電話嚟拎飛個八人枱都未齊人。安排入座如此混亂，真的無下次。落單都快，但我哋等咗成半個鐘啲嘢食都未嚟，第一次催就敷衍回答話「得架啦，嚟緊」，第二次催才真係睇我哋張單，原來其中一個餐已經賣晒，叫我哋轉其他嘢食。我哋發脾氣才急急送上食物及飲品，建議大家如非有充裕的午飯時間也不要幫襯這間餐廳。至於食物方面，我叫了吉列豬扒烏冬及熱檸蜜，但就嚟咗雞扒烏冬及熱菜蜜，因已經太晏了，個烏就照食。啲雞扒完全無味，仲要熟過頭，啲雞皮連少量油份都沒有，烏冬就正常。同事叫的鰻魚飯就普通。叫咗冬檸茶走飲管當然無理會，照將飲管放入杯內，唉。…查看更多

嚟到工廈，一於試吓啲小店啦😎😎今日我哋就試咗自家製和牛芝士漢堡，和牛扒有一定厚度，咬落去都幾多汁，幾Juice！另外芝士味好豐富，同埋啲肉汁一齊食，味道更加昇華😚😚而裏面仲有沙律菜同蕃茄等等🤓叫一個set嘅話仲會有薯條，薯條熱辣辣，食落幾脆口😋😋工業大廈黎講，有呢個質素算是不錯了。…查看更多

星期六長週下班，來個悠閑午餐，很久沒有來這裡，不如吃這裡比較有名的和牛芝士漢堡餐，如果是五都多元的漢堡來說，味道算不錯。九龍灣吃東西向來偏貴，要找好味的餐廳很難。…查看更多

難得Happy Friday當然約班同事岀去食lunch依到黎過兩三次，款式每星期都有唔同，但因為多數都兩點先黎，有好幾款野食都好快賣哂。今次叫左豬仔骨定食($55) 同和牛芝士漢堡($60)豬仔骨個味道都唔錯，有小小甜醋味不過骨比夠大，唔算多肉。另外個和牛漢堡都幾大個，大口嘅我都要切開先食到，夾左酸瓜同蕃茄係入面，仲有小小沙律菜，看似好少野但最後都食唔哂。依到好在食物有中西同日式，餐牌又會車，唔會怕食厭…查看更多

最近返工行過九龍灣，收到呢張傳單，晏晝就諗住同同事過嚟試下啦！晏晝12:30嚟到，鋪頭真係好多人，要等一陣先有位，鋪頭位置都算闊落，大概可以容納20至30個客人。門口裝修好吸睛，有文青感覺。望一望個餐牌，價錢唔貴，午市餐牌都算多選擇，超過10款嘅套餐。我同朋友分別點左 自家製和牛芝士漢堡$60、黑醋排骨定食$55、蒲燒鰻魚定食$70（加$25原條鰻魚）鰻魚定食真係好正，加咗$25成條鰻魚更加好味，下面個返並唔係日本米。黑醋排骨定食$55呢個麻麻哋，黑醋唔見，得個酸味自家製和牛芝士漢堡$60一上碟，見到側邊嘅薯條真係唔開胃，好似生咁，查唔夠時間，而且冇乜咸味，唔好食！呢間鋪頭嘢食麻麻，勝在夠平。…查看更多

2019年10月12日（星期六）星期六晏晝要去九龍灣工業區，食飯時間好多食肆都人頭湧湧，唔想等位，一於幫襯工厦食肆。招牌畫工了🉐️，室內佈置別具心思。麻繩繞圈吊著鎢絲燈泡，卦住發泡膠水晶球，好治癒❤️幾米feel油然而生！食物選擇多、中西日式，沙律、意粉、烏冬、漢堡樣樣齊。叫咗兩款日式定食。生羗豚肉定食、鹽燒鯖魚定食都係$55麵豉湯屬清淡式，唔會死咸👍前菜有苦瓜同雲耳，清新可喜！豚肉生羗+埋椰菜絲減膩，如果羗味濃D仲好！燒鯖魚啱啱燒起，脆卜卜、熱辣辣，食到燶邊🐟、魚油香甜，超好送飯雖然搵食路線迂迴曲折，但係小店用心機經營，值得支持。…查看更多

Having a budget lunch in klw bayAround 10 lunch sets can be chosen (burger, pasta and 定食), price is around 5x-8x (without 10% service charge, quite reasonable price)Order烏頭定食... the price is quite attractive, just hkd 5x, but the taste is just so-so…查看更多

同朋友黎開九龍灣做野搞間非茶餐廳嘅地方食早餐上openrice搵到呢個工廈食堂當日係假日朝早所以食堂都唔多人餐牌選擇都豐富揀左個漢堡同日式奄列朋友嘅漢堡味道都可以但就話比較容易食到好污糟因為沙嗲牛會跌晒出黎薯條尚算香脆我嘅日式奄列賣相都算精美不過朋友就話比較腥我就唔太覺味道正常配搭特飲係薏米水同朋友一杯熱一杯凍凍薏米配左檸檬，都幾消暑…查看更多

返左新工一排，不停地發掘呢區有咩餐廳。見到附近有間工廈內的樓上Cafe，成班同事一齊去試。呢間餐廳以花為主題，所以門口佈滿不同的綠。一入門口見到好多乾花，真係幾靚架～餐牌同樣有心思，係黑板上畫左好多圖片。午餐由11點開始供應，價錢由$58-$70，屬於中高價位。餐廳除了Regular Menu外，仲有廚師發辦意粉。呢D限時的餐點，可以睇返黑板上的名稱。而今日的廚師發辦的意粉為青醬鮮魷意大利粉。個青醬幾香，而且唔似一般出面個D咁油。魷魚個味本身就咸咸地，所以整體食落夠味，又唔會太寡。意粉夠彈牙，入口有咬口。無網上所提及到咁難食。另外，今份廚師發辦意粉會跟個湯，我飲得出係忌廉蔬菜湯，但唔知Detail係咩，哈哈。忌廉味唔太濃厚，所以唔驚飲完會飽左。朋友仔叫左份鹽燒鯖魚定食，佢會跟埋個紫薯波的東東。個魚都燒得幾香，朋友仔都食得晒。另外有個朋友仔叫左份青瓜豚肉圈定食，豚肉圈太咸，所以朋友食到一半就無食了。餐廳有多款的飲品可以選擇，但上到樓上Cafe，我比較喜鍾意飲咖啡。如果要其他款式的咖啡要加錢，所以我叫左唔洗加錢的即磨咖啡。點知咖啡的酸味軟重，唔飲開茶餐廳咖啡的我，我飲左三份一就唔飲了。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…查看更多

黎到每個星期的聚餐時間，今次我們試了呢間有混合少少日式，中式跟西式的餐廳。.呢度的裝修不錯，簡潔企理，但是枱排得比較密，坐滿人會好吵！.食物方面，定食會有兩個前菜、主食，麵豉湯加一碗飯，非常豐富！西餐就會主食配一碗西湯！最後都會有一杯餐飲！🔸「東京都豚肉定食」🔸我試了呢款，主菜味道好像甜酸排骨，開胃，就是醬整得太酸，食多會唔舒服！前菜有一款是蕃薯溶，夠甜，好好食！餐飲叫左菊花茶，有誠意，是用真的菊花沖既茶！.其他餐，朋友們話都是普普通通！…查看更多

依間餐廳雖然係工廈入面，但lunch都好多人去，不過佢位好多，通常好快就入得！今次成班同事成十個人去，都係等十分鐘內就入得！依到有lunch set，menu成日會轉！對比係商場入面連鎖餐廳，價錢都算係幾實惠同食嘅野有啲新意今次叫左B40 廚師發辦意粉，姐係黑椒欖油雞尖腸意粉！本身lunch set都包野飲，但依個set仲包埋湯！今次依個周打魚湯好好飲好creamy 仲要好多魚肉係入面，好足料，正！不過個意粉就一般，有啲乾，同真係得黑椒嘅辣味。至於配料係正常嘅，都夠多。但整體黎講依個價錢加質素lunch黎講都reasonable，可以接受:)…查看更多

上星期在公司落單訂了4款午餐，同事們中最貴就是我揀這款海鮮烏冬，實際其實大部份是蜆仔，如$68還要加兩蚊外賣的話十分不值，雖則有杯飲品，最主要看圖就知真實一面，外賣盒同一般快餐店的下午茶餐沒有太大分別，按這個價錢多一隻青口多一隻蝦都唔過太呀！所以請正視一下，不用物超所值都唔好過份成咁丫…查看更多