發哥粥底海鮮火鍋 (已結業)

聽講工廠大廈嗰邊有間日頭就係食茶餐廳野，夜晚就有得食新鮮海鮮配料嘅粥底火鍋！而且價錢唔貴可以去試一試。裏面環境好大，都坐咗好多人喺度打邊爐。我哋就揀咗二百幾蚊嗰個餐，套餐裏面有多款新鮮嘅海鮮，有時亦都會因應時令有不同的海鮮配搭。今次就有龍蝦，多寶魚，海蝦，鮑魚，貴妃蚌，蜆及頂級肥牛。配料可出去自取～龍蝦真係啖啖肉，好肥美又鮮甜；多寶魚雖然有啲骨，但係魚肉質感夠滑；海蝦就爽口彈牙夠新鮮；鮑魚好有彈性而且size都算幾大；貴妃旁大大隻彈牙十足；蜆都幾新鮮；頂級肥牛就只能食一次，的確幾有牛味喎！除咗海鮮之外，仲可以自選六至八款餸菜，不過就唔係任食嘅，佢會預計返個份量，我哋就揀咗金菇菜、芝心丸、滑牛肉、腐竹、魚腐、竹笙、蝦滑及雲吞。全部配料都唔錯，當中比較特別嘅就係蝦滑，爽口彈牙而且有啲蟹子喺上面，幾正！ size自己調節！食到最後就係食粥底，已經海鮮的鮮味入晒去，仲可以加埋南瓜、粟米、香芋，提升鮮味，食到個肚超級飽呢！另外飲品可以自己任選，配料亦都係，仲有限量嘅竹蔗茅根水，飲得出味道唔係死甜，係天然煲出嚟嘅味道，如果想飲就要快手啦，數量有限㗎！我哋兩個人都飲咗兩大壺。