Hong Kong Burger (榮發工業大廈) (已結業)

位置有啲偏僻，不過難得見到九龍灣工廠區開左間漢堡包店，附近返工人士又多個選擇。漢堡包落左order先即時整，但都唔洗等好耐。漢堡包有烘過，食落脆脆地，不過個人覺得包面有啲啲油。美國安格斯牛肉芝士漢堡 雖然只有兩款材料，但漢堡包都非常大個，口唔夠大一啖食曬，唯有食左塊菠蘿先，菠蘿都有微微燒過，表面乾内裏都係咁juicy.牛肉好厚，油脂豐富，牛味香濃。BBQ手撕豬爆汁菠蘿漢堡 無改錯名，真係爆汁，成個包都好juicy，豬肉同菠蘿都多汁，豬肉用左bbq醬調味，味道酸甜，豬肉真係有d燒烤味，同菠蘿好夾。蒜蓉包 好鬆脆，係麵包乾口感，蒜蓉味香濃，配湯食都應該好正。蝦球 有8款醬可以揀，我揀左黑松露醬，有一盒醬，份量都幾多，蝦球表面有炸麵包粒，食落更加有層次感，口感卜卜脆。2樽冷泡茶- 桂花烏龍茶，洋甘菊茶無落額外糖，唔肯定茶包本身有無，飲落唔甜，只有香濃茶味。