影片
更多
2024-02-28
333 浏览
同Lisboy完成期待已久嘅幼兒園面試，就預先預約呢間隱世居酒屋享用豐富嘅午餐🍱呢間居酒屋特別嘅係有bb櫈提供，Baby Friendly，等爸媽都可以食到特色嘅日本料理。🍅 日本水果蕃茄前菜叫咗個日本蕃茄生食🤤酸酸甜甜好開胃，而且配咪居酒屋特製嘅柚子醋，真係太好味！成個味蕾都升華晒！🐋 大分直送火灸平目魚邊呢間居酒屋出名嘅地方係有日本藉廚師值場，當日向我哋推薦呢個必叫之選「火灸平目魚邊」，上檯個樣唔係太驚艷，但同老公開始一人一啖時，極度驚喜，再配埋佢地少少酸味嘅湯汁同手磨嘅山葵醬，一絲絲嘅魚肉係口入面分開，太好味啦～～～師傅話處理平目魚手法一啲都唔簡單，因為呢條魚本身魚油比較多，需要經多重燒製先可以逼晒啲油出來，再加上自家制嘅烹調方法，我哋先食到咁特別既火灸平目魚邊。大讚！果然係必點之選！美味しい～～～🐟 原條池魚他他刺身食日本野又點可以唔試吓佢哋嘅刺身，平時食開三文魚他他刺身，今次試吓呢個「池魚他他刺身」，食完仲可以一物二食，叫店家炸咪魚頭、魚尾做天婦羅🤤池魚魚味突出，做成他他就會更易入口，刺身夠新鮮，仲有啲金薄作點綴，外貌同內涵一樣足夠！值得一試！🍗 雞肉漢堡串雖然帶住Lisbo
同Lisboy完成期待已久嘅幼兒園面試，就預先預約呢間隱世居酒屋享用豐富嘅午餐🍱呢間居酒屋特別嘅係有bb櫈提供，Baby Friendly，等爸媽都可以食到特色嘅日本料理。
🍅 日本水果蕃茄
前菜叫咗個日本蕃茄生食🤤酸酸甜甜好開胃，而且配咪居酒屋特製嘅柚子醋，真係太好味！成個味蕾都升華晒！
🐋 大分直送火灸平目魚邊
呢間居酒屋出名嘅地方係有日本藉廚師值場，當日向我哋推薦呢個必叫之選「火灸平目魚邊」，上檯個樣唔係太驚艷，但同老公開始一人一啖時，極度驚喜，再配埋佢地少少酸味嘅湯汁同手磨嘅山葵醬，一絲絲嘅魚肉係口入面分開，太好味啦～～～師傅話處理平目魚手法一啲都唔簡單，因為呢條魚本身魚油比較多，需要經多重燒製先可以逼晒啲油出來，再加上自家制嘅烹調方法，我哋先食到咁特別既火灸平目魚邊。大讚！果然係必點之選！美味しい～～～
🐟 原條池魚他他刺身
食日本野又點可以唔試吓佢哋嘅刺身，平時食開三文魚他他刺身，今次試吓呢個「池魚他他刺身」，食完仲可以一物二食，叫店家炸咪魚頭、魚尾做天婦羅🤤池魚魚味突出，做成他他就會更易入口，刺身夠新鮮，仲有啲金薄作點綴，外貌同內涵一樣足夠！值得一試！
🍗 雞肉漢堡串雖然帶住Lisboy來居酒屋飲唔到酒，但都叫咗兩款出名串燒品嚐吓～我哋今次試咗月見（即係蛋黃在料理中）同明太子口味🤤諗起都流晒口水！呢度料理用嘅蛋係蘭王蛋，可生食，所以雞肉漢堡串配蘭王蛋黃味道超夾！明太子就咸咗少少但配酒🍻都好正！
🍜 九州拉麵
主食叫咗九州拉麵，以為就咁食拉麵，點知仲有熱石表演？啲日本叉燒同拉麵維持水準🍜食之前將熱石放入碗拉麵🍜保持拉麵溫度，又有得玩又有得食！感覺唔錯！
🥘 櫻花蝦牛肉泡菜石窩飯
另外我地叫多個櫻花蝦牛肉泡菜石窩飯Lunch set ！$98包沙律同野飲，好抵食～牛肉味濃～又係有蘭王蛋🍳呢餐食得好飽🤤推薦大家來呢間隱世居酒屋！
P.S. 原來一入來用日文招呼我哋嘅係呢間居酒屋嘅駐場有牌日本藉配酒師，見酒櫃咩酒都有🍶下次想同朋友小酌兩杯會再來呢度！
张贴
