通記一品菜館 (已結業)

我朋友成日話通記二人套餐好抵食，$200/位就有龍蝦、海鮮同小菜，味道仲要唔錯，我決定俾佢帶我去試下😎除左二人套餐，仲有兩款四人套餐，分別係$200/位同$350/位。$350/位嗰個set既象拔蚌刺身好吸引，如果二人餐都有貴一級既選擇或者多啲變化就好喇🥢前菜 – 鹽水雞腳雞腳味道不俗，不過可以煮得淋啲同入味少少就更好🥢主菜 – 芝士焗龍蝦套餐焗龍蝦係半隻既，如果想要全隻加錢就得。我唔想浪費左個芝士汁，所以加左個伊麵底。龍蝦肉新鮮，肉質緊實，絕對對得住個價錢🥢海鮮 – 果皮清蒸鮑魚三款海鮮包括果皮清蒸鮑魚、花雕蛋白蒸蟹和豉椒少蟶子可以喺當中選一款，我地揀左蒸鮑魚，每人2隻鮑魚雖然唔大隻，但口感爽彈🥢餐湯 – 一品海鮮湯奶白色既海鮮湯結合左海鮮精華，非常濃郁鮮甜，飲起黎就係好舒服既感覺🥢小菜 – 椒鹽豆腐、菠蘿咕嚕肉小菜係自選兩款，餐牌上有八款可以揀，我地揀左椒鹽豆腐同菠蘿咕嚕肉。椒鹽豆腐炸到金黃色，外脆內嫩；菠蘿咕嚕肉大致做到外脆內鬆軟，酸甜開胃