九龍城除咗出名食泰國菜之外，粵菜都好出名㗎，呢間老字號喺九龍城屹立多年，連食家蔡瀾都推介，唔係唔試下嘛
粉葛赤小豆豬骨湯：呢度嘅例湯非常出名，一入座就我哋即時揀咗個一煲細煲，職員一打開個蓋，成個都仲係滾燙，個湯煲咗4個鐘，絕對真材實料，而且無味精，
家鄉煎魚餅：煎魚餅炸到金黃，鯪魚肉質細嫩、味道鮮美，香口彈牙，加埋蜆芥，鹹鮮味十足。
山楂醬排骨：醬汁由新鮮山楂打成，酸甜醒胃。 排骨外脆內軟，排骨外層醬汁香濃。
皮蛋酸薑：酸薑爽脆無渣，配上溏心皮蛋；一滑一爽，一酸一鹼，以醋酸味去掉皮蛋嘅灰澀味，互相中和，竟直係天作之合。
家鄉豬油炒飯： 米飯粒粒分明，炒得好乾身，豬油渣香噴噴。
豉椒鮮鵝腸：新鮮鵝腸非常爽滑，豉椒十分之惹味。
