好旺茶餐廳 (侯王道) (已結業)

上星期我們又到九龍城晚餐，去了候王道的好旺茶餐廳，紅白格門面都幾搶眼，感覺唔似一般茶餐廳，加上門口位有食串燒同飲啤酒。餐廳食物款式多，有煲仔菜、小菜小炒、湯飯、蒸餸、套餐等等。我們點了葡國燒雞飯及薑蔥魚腩煲。侍應話老火靚湯冇味精，果然香甜好味，而且足料。葡國燒雞皮脆香口肉juicy，炒飯足料有咬口，有洋蔥粒、菜粒，提子乾，整個配搭很不錯。薑蔥魚腩煲一上枱香氣十足，有鑊氣，魚腩厚肉外香脆，薑蔥爆香很醒胃，配飯十分好。期待下次試串燒同飲啤酒。