有口福

营业中

休息中

今日同朋友去九龍城逛逛，早期香港已經有不少泰國人於九龍城聚居，現時不同類型食肆林立，除了泰國菜、越南菜、火鍋等，這次畀我哋搵到一間川菜館~有口福。店內桌椅排得整整齊齊，有熟客想坐得鬆動啲，原來仲有樓上一層。我哋打算點酸菜魚，朋友又想吃田雞，店員聽到，建議加田雞入酸菜魚，另外再加萵笋片及炸豆腐，全部加入酸菜魚，這樣就可以盡享酸菜魚湯的美味。魚鍋上菜時，賣相吸引，且聞到香噴噴，食慾立時大增。朋友經常吃酸菜魚，可算是酸菜魚專家，她讚不絕口，說這個可以媲美深圳著名的食店，廚師的做法很正宗。魚片肉質鮮嫩，件件厚切，夾得起唔鬆散，田雞肥美可口，用酸菜魚食法不錯呢！炸豆腐(豆卜朋友)索滿酸菜魚汁，特別美味，萵笋片大大塊又爽口。酸菜魚其他配料包括大豆芽菜及一些玻璃粉。大家食到飽飽，好滿足啊！今次真係有口福，正！朋友不斷嚷著，下次要叫多些朋友試雞煲及水煮菜式。