影片
更多
2016-06-20
2132 浏览
近排經常去九龍地附近, 每次都係去食泰國菜, 食到悶悶地今日就同朋友搵左呢間日本居酒屋試下~ 餐廳細細間, 座位都係用木造既高枱高椅, 好有日本既感覺, 野食方面唔算太多, 但好多都好似好吸引, 牆上面仲有寫住d特別推介同埋新既菜色~睇完一輪之後我地點左一碗夏盛梅子冷面, 濃厚醬油拉面, 海膽菠菜, 2隻生蠔, 大阪燒餅, 經店員介紹後再加多2件秘製炸雞~呢2隻九洲生蠔都幾大隻, 上面右左醬汁同蔥, 生蠔食落新鮮鮮甜, 口感都幾creamy, 係唔錯既, 不過Vi都係中意食海水味既生蠔多d~之後呢個海膽菠菜亦係店員推介既, 菠菜上面放上馬糞海膽, 配有3塊面包一齊食, 呢個配搭幾特別, 馬糞海膽好鮮甜, 一d都唔腥, 好味! 夾埋菠菜食幾清新, 亦出奇地夾, 不過份量唔夠多, 有點唔夠喉XD大阪燒餅就好大份, 燒餅入面有豚肉同蝦, 上面放有大量木魚, 加埋個燒汁好惹味, 燒餅唔算太厚身但都幾飽肚, 同埋入面既蝦比較小 , 但整體味道係唔錯既~原來夏盛梅子冷面都配有一隻生蠔, 成個冷面變得抵食, 湯底係魚湯+梅子做成, 味道好清, 帶有淡淡梅子味, 好清涼開胃, 再酸小小會更好, 而冷面
近排經常去九龍地附近, 每次都係去食泰國菜, 食到悶悶地今日就同朋友搵左呢間日本居酒屋試下~ 餐廳細細間, 座位都係用木造既高枱高椅, 好有日本既感覺, 野食方面唔算太多, 但好多都好似好吸引, 牆上面仲有寫住d特別推介同埋新既菜色~
睇完一輪之後我地點左一碗夏盛梅子冷面, 濃厚醬油拉面, 海膽菠菜, 2隻生蠔, 大阪燒餅, 經店員介紹後再加多2件秘製炸雞~
呢2隻九洲生蠔都幾大隻, 上面右左醬汁同蔥, 生蠔食落新鮮鮮甜, 口感都幾creamy, 係唔錯既, 不過Vi都係中意食海水味既生蠔多d~
之後呢個海膽菠菜亦係店員推介既, 菠菜上面放上馬糞海膽, 配有3塊面包一齊食, 呢個配搭幾特別, 馬糞海膽好鮮甜, 一d都唔腥, 好味! 夾埋菠菜食幾清新, 亦出奇地夾, 不過份量唔夠多, 有點唔夠喉XD
大阪燒餅就好大份, 燒餅入面有豚肉同蝦, 上面放有大量木魚, 加埋個燒汁好惹味, 燒餅唔算太厚身但都幾飽肚, 同埋入面既蝦比較小 , 但整體味道係唔錯既~
原來夏盛梅子冷面都配有一隻生蠔, 成個冷面變得抵食, 湯底係魚湯+梅子做成, 味道好清, 帶有淡淡梅子味, 好清涼開胃, 再酸小小會更好, 而冷面比較硬身, 質感亦彈牙, 最喜歡係隻半熟蛋, 煮得剛剛好~
而濃厚醬油拉面上枱時個湯底仲係滾緊既, 原來係因為入面放左熱石, keep住湯底既熱度, 好中意呢個造法, 咁就唔怕唔夠熱la!! 湯底係好濃郁既豬骨湯, 比起冷面, Vi更喜歡呢個熱拉面~
最後既秘製炸雞好有驚喜, 呢度既炸雞係用醬料醃好再炸, 雞肉好嫩, 咬落仲有汁, 炸粉好薄亦好香脆, 簡單既炸雞但係有不一樣既味道!
整體今餐都好滿意, 下次黎九龍城又多一個選擇 ~
张贴
