影片
更多
2023-09-10
42 浏览
浜滝📍九龍城福佬村道59號地下A號舖🌄環境呢到全部檯凳都係高腳嘅，檯下有勾俾你勾住啲袋，檯面空間好闊，我覺得係坐得幾舒服嘅～同老闆閒聊之下得知，呢到所有裝飾品全部都是日本師傅由日本攞過嚟，睇得出為咗營造氣氛所下嘅功夫，事實上的確好有feel嘅，好有日本居酒屋感覺🧡食物🍡 沖繩海葡萄 $68呢個口感幾特別，可以比喻為外皮比較韌嘅三文魚子，齋食較鹹，加埋酸汁會比較適口，係一道好適合攞嚟送酒嘅前菜～🐠 宮古產秋刀魚刺身 $298比較少聽秋刀魚可以攞嚟做刺身，事實上亦的確比較稀有，因為得8-9月呢段時間，先有肥美到可以攞嚟做刺身嘅秋刀魚，所以要食趁早！🤣食落口係一陣十分順口嘅油香，好滑，帶有少少腥味，齒頰留香，店主建議我哋可以配薑蓉，另外仲有酸汁同豉油，我比較鍾意酸汁，啱啱好帶到啲魚油味，又可以解膩，豉油就令薑味重啲，刺激啲～呢個好正好特別！食完之後師傅仲會攞骨去炸，椒鹽口味，都好正～🐠 櫻花蝦魚餅 $68呢個口感好豐富！魚餅好軟，口感微彈，出面有密密麻麻嘅櫻花蝦，仲有啲好似蝦片嘅脆脆，外脆內軟好正好正，唔點任何醬汁，齋靠魚同蝦嘅鮮味已經好足夠，記得趁熱食！🔥🦐 芝土醬燒巨型虎蝦 $298呢個
📍九龍城福佬村道59號地下A號舖
🌄環境
呢到全部檯凳都係高腳嘅，檯下有勾俾你勾住啲袋，檯面空間好闊，我覺得係坐得幾舒服嘅～同老闆閒聊之下得知，呢到所有裝飾品全部都是日本師傅由日本攞過嚟，睇得出為咗營造氣氛所下嘅功夫，事實上的確好有feel嘅，好有日本居酒屋感覺
🧡食物
🍡 沖繩海葡萄 $68
呢個口感幾特別，可以比喻為外皮比較韌嘅三文魚子，齋食較鹹，加埋酸汁會比較適口，係一道好適合攞嚟送酒嘅前菜～
🐠 宮古產秋刀魚刺身 $298
比較少聽秋刀魚可以攞嚟做刺身，事實上亦的確比較稀有，因為得8-9月呢段時間，先有肥美到可以攞嚟做刺身嘅秋刀魚，所以要食趁早！🤣食落口係一陣十分順口嘅油香，好滑，帶有少少腥味，齒頰留香，店主建議我哋可以配薑蓉，另外仲有酸汁同豉油，我比較鍾意酸汁，啱啱好帶到啲魚油味，又可以解膩，豉油就令薑味重啲，刺激啲～呢個好正好特別！
食完之後師傅仲會攞骨去炸，椒鹽口味，都好正～
🐠 櫻花蝦魚餅 $68
呢個口感好豐富！魚餅好軟，口感微彈，出面有密密麻麻嘅櫻花蝦，仲有啲好似蝦片嘅脆脆，外脆內軟好正好正，唔點任何醬汁，齋靠魚同蝦嘅鮮味已經好足夠，記得趁熱食！🔥
🦐 芝土醬燒巨型虎蝦 $298
呢個上枱時，我男朋友仲講：「誒我哋好似冇嗌龍蝦」，冇錯！居然咁大嘅size係虎蝦，好誇張！虎蝦上面鋪滿三文魚子同芝士🤩彈牙嘅蝦身包裹住熱辣辣嘅芝士醬，上面仲有啲九條蔥，食入口勁香勁罪惡，三文魚子嘅鹹味同口感，係起到畫龍點睛嘅效果，而蝦頭嘅蝦膏都一定唔可以錯過，勁香😇但略嫌擺盤太多蔬菜，變成切開嘅時候整到張枱，食蝦膏時都有啲唔係好方便😅好彩店員有過嚟幫我地切開！😝
🐚 清酒煮活地蛤 $136
呢個地蛤勁肥美勁厚肉，而且一啲沙都冇，清酒煮完全激發曬啲鮮味同甜味，我勁鍾意，可以咬少少紫蘇花一齊食，紫蘇花比一般嘅紫蘇葉更加濃味，所以咬少少就得，同地蛤一齊食好夾～
🐓 九洲薩摩雞胸蕃茄鍋 $298
呢個係要煮15-20分鐘，聽講呢隻雞係日本三大雞，可以半熟咁食😲中間嗰層仲喺果凍狀時食就最啱，即使係雞胸肉都勁嫩，而番茄湯配方係日本師傅精心調配，酸酸甜甜好正🤩令所有蔬菜都好入味，連男朋友從來唔食菜都食咗好多菜🤣建議食咗雞肉先，先食菜，咁嘅話肉又啱啱好，菜又入晒味😝喺夏天就算食咁熱嘅鍋物都可以好fresh，好正～
🍡 燒日本芝士年糕 $48
本身係諗住一人一舊，但太飽，又想試吓芝士年糕，入面係流心芝士，出面係勁軟糯嘅年糕，幾好食，作為一餐嘅最後就啱啱好～
张贴
