影片
更多
2008-05-31
9 浏览
放假冇乜地方去，出開鑼鑼灣上堂，一直聽見峰壽司既評價唔錯，於是選左銅鑼灣總店一試。先講服務，一入去時，店員都幾好招呼幾有禮貎。但落單情況真系要改善，我共分左四次落order，有兩次都有錯 / 有留單。又冇覆order既習慣，呢樣相比起板前板長，做得唔系太足。野食方面，除左一般大路壽司，佢仲有大量產地直送既材料，而且分左九洲派同北海派。餐牌上有句，你屬於邊一派？？兩邊都試過下，整體上九洲派比我既評分高d共點左十二樣野->三點盛︰白身盛﹙有鯛，平目，間八﹚$25とろ盛り﹙魚腩盛﹚$60->九洲派︰旬鯖﹙九洲旬鯖魚﹚$20旬鯵﹙九洲旬池魚﹚ $15ハマチとろ ﹙九洲油甘魚王腩﹚$35太刀魚﹙九洲大分產﹚$20->北海派︰秋鮭 ﹙北海道釧路產﹚$20スヅコ﹙荕子﹚$25->峰系列︰峰鯵﹙峰池魚﹚$20峰エビ﹙峰蝦﹚ $20->其他︰塩章魚﹙鹽峰八爪魚﹚$12炙りサーモン﹙燒三文魚﹚$15一向系池魚既忠實fans，特別叫左兩種離比對。峰池魚佢sale到好正咁，而且仲話正過白肉魚極品 - 縞池魚。但食落覺得好一般。更加莫講話同縞池魚相比。反而平$5既九洲旬池
先講服務，一入去時，店員都幾好招呼幾有禮貎。但落單情況真系要改善，我共分左四次落order，有兩次都有錯 / 有留單。又冇覆order既習慣，呢樣相比起板前板長，做得唔系太足。
野食方面，除左一般大路壽司，佢仲有大量產地直送既材料，而且分左九洲派同北海派。餐牌上有句，你屬於邊一派？？兩邊都試過下，整體上九洲派比我既評分高d
共點左十二樣野
->三點盛︰
白身盛﹙有鯛，平目，間八﹚$25
とろ盛り﹙魚腩盛﹚$60
->九洲派︰
旬鯖﹙九洲旬鯖魚﹚$20
旬鯵﹙九洲旬池魚﹚ $15
ハマチとろ ﹙九洲油甘魚王腩﹚$35
太刀魚﹙九洲大分產﹚$20
->北海派︰
秋鮭 ﹙北海道釧路產﹚$20
スヅコ﹙荕子﹚$25
->峰系列︰
峰鯵﹙峰池魚﹚$20
峰エビ﹙峰蝦﹚ $20
->其他︰
塩章魚﹙鹽峰八爪魚﹚$12
炙りサーモン﹙燒三文魚﹚$15
一向系池魚既忠實fans，特別叫左兩種離比對。峰池魚佢sale到好正咁，而且仲話正過白肉魚極品 - 縞池魚。但食落覺得好一般。更加莫講話同縞池魚相比。反而平$5既九洲旬池魚食落鮮美好多。亦系我今餐唯一encore既項目。
一向對鯖既要求好高，試一間壽司店水準必點項目，呢到算系幾好食。而$35既油甘魚王腩。好新鮮，唔差。而且魚身肥脂夠多，食落口有入口溶化感覺。但有少少期望過高而己。
北海派既秋鮭，個人就唔太中意。峰本身三文魚既一個特色就系肥脂比出面既少。但魚味的確系豐富d。但秋鮭大概佢系將魚既表面輕輕烤過。由於件魚本身唔肥，成件事食落口好乾。而荕子，之前睇食評已對佢好有興趣，未食過。幾特別，其實系三文魚籽果條荕。好濃味既一項食材。但應該唔系個個受得到，因為真系好鹹同好腥。我就冇乜問題，而且都幾中意，好食過就咁食三文魚籽。
而三點盛之中最中意魚腩盛既大吞拿魚腩。好厚切，非常新鮮肥美，食完有d唔捨得飲茶，哈哈...到宜家都仲好回味果種味道。食過咁多間迴轉壽司呢到既吞拿魚腩算系最好。相比起上次和花亭$40一件既大吞拿魚腩更好食，呢到單叫都只系$35。
好食既仲有峰蝦。好新鮮，而且佢仲有特大版，今次叫既只系普通size。
燒三文魚就唔太得，雖然系燒得好香，但同一個道理，佢d三文魚就咁食適合d，唔夠肥。燒左之後我就覺得太乾而且連佢三文魚本身既味都遮左
整體離講食物大多都幾好，材料新鮮。其中特別系九洲派食材，質素系咁既價錢離講的確系幾高。一定會有下次
张贴
