金田家 (已結業)

濃豚骨拉麵同豚骨MIX拉麵嘅分別在於後者湯底添加了雞湯。我就叫咗豚骨MIX拉麵。唔好問我食唔食到雞嘅鮮味，我自認沒有金舌頭。湯底都係豬骨味較濃。配料好少，只有少許木耳，同一片紫菜，比起同價位嘅拉麵少，連多蔥都要加錢。拉麵採用平常見到嘅幼身拉麵，正常發揮。之於叉燒就比較出色，採用半肥瘦，一啲都唔嚡，仲有少少脂香。從表面睇，都見到有經燒灼。但叉燒太太薄喇，口感大減折扣。成碗麵仲有得個3-4 片，到喉唔到肺。九州第一拉麵都係試過就算。