台灣一品花雕雞 (已結業)

我相約朋友係呢度食晏，係因為團購優惠到期前一日。之前都黎過食海南雞餐，今次就試砂朥越古晉叻沙。其實食果時都覺得好莫名奇妙，呢間餐廳明明係食台灣菜、中餐之類，竟然團購推介係馬來o既叻沙粉麵，真係九唔搭八?!碗叻沙有蝦、雞絲、蛋絲、芽菜、叻沙湯、米粉同莞茜。蝦冇味、米粉粉質粗糙，叻沙唔算辣，可以接受，但叻沙湯粉份量較少，連女性都覺得唔夠食，食完成碗都唔覺得自己食過野咁，同我上次食海南雞餐差得太遠啦!食完碗叻沙，仲包左杯熱柚子蜜，雖味道冇乜特別，但係中餐廳飲柚子蜜都係有種怪怪的感覺咯!