潤發茶餐廳 (已結業)

老公買過「潤發」义燒回家,它便成了我想食的地方。七點半黎到,竟然要等位。午餐的义燒煎蛋飯$30係雙蛋。到夜市,只有义飯+蛋$6/隻=$32,所以午餐$30,夜市要$38!!唔化算。只得一隻煎蛋,蛋汁可是不夠~幸好义燒份量比午餐多喎!「潤發」义燒,、85%肉15%肥,腍且不黏牙,义燒汁又入晒味。真係好食過什麼一哥义燒,八十幾蚊,又肥、唔夠味、得幾件!常餐:厚多士+牛肉/火腿奄列。多士尚算脆!牛肉「奄列」,大家睇到啦,其實係蛋皮牛肉。味道誰也知道,不用多說。辛辣麵,賣相有板有眼,如一碗日式拉麵。略嫌麵少少過腍,但配料加番分數。奶茶,顏色合格；味道合格。只係合格,因為奶多左DD而且有點杰,飲到近底,更甚。見好多人食小菜,賣相都好正!唔怪之得,咁繞腳,都有捧場客啦。