潤發茶餐廳 (已結業)

小弟食呢間野一定係食午餐,對於早餐黎講都係第一次食入到舖面見到個早餐牌...當堂呆左....點解果樣叫金牌 呢樣叫招牌...係咪真係咁多食物咁好食呢?本人對沙嗲牛麵有一種情意結...有睇開小弟既食評都應該知道吧!既然呢個餐廳有金牌沙嗲牛肉麵...當然點都要試下啦...叫多杯凍奶茶,價值30蚊! 呢個價錢係旺角區已經可以食午餐,期待什麼叫金牌吧!!等待食物途中 , 見到舖面裝修得幾靚!辣椒油好似係我食開果款! 果刻既我比呢間野80分了!!凍奶茶到了~ 飲落口 紅茶同奶味 既味道岩岩好~奶味唔酸,紅茶味道亦不會過濃....跟屯門祥景的凍奶茶一模一樣!!沙嗲牛麵到了~ 呢隻麵又係同祥景一樣...係我最喜愛既麵!!反而沙嗲牛肉就比較差, 牛肉太多渣~沙嗲汁味道太淡 比湯一沖所有沙嗲味都冇哂!沙嗲汁 同 牛肉 我相信係分開整,扣好多分!!但碗沙嗲麵勝在夠熱,挽回不少分數!其辣椒油質素太差...味道偏咸完全不辣...再試埋蛋同火腿~質素同出面茶餐廳無異!!唯獨小弟叫早餐時不愛吃餐包,所以叫走包!到行出收銀台結帳時才發覺餐包是小弟最喜愛的麵包...跟其他餐廳的方包相比....呢個更勝一籌!總括來說:

星期六, 做好野下班了, 3時多, 也要是吃點東西回家才好. 往火車站的那個方向走. 有一間叫潤發的茶餐廳. 因為成日以為 "潤發"應該仲有一隻字, 所以心中常常有一個錯誤的認為, 呢一間叫 "周潤發". 其實, 只是就咁, 叫潤發.一入門口, 就知道呢一間野, 主打既係燒味. 所以, 一坐低, 望了幾望, 就叫了一份燒味雙拼, 一於食飽自己先. 叉燒, 感覺比較鞋, 要用點力才能咬得開, 分配給我的叉燒絕對不是什麼上等的東西. 而燒鴨, 皮脆, 但食落有點燶, 肉質食落非常之乾身, 有鴨味既, 但我唔覺得味美, 而且汁俾得唔夠, 下底既飯, 完全唔夠味. 呢一碟飯, 是失敗的. 也許, 我遲來, 啲燒味吊到乾哂..?呀發哥......我覺得你唔拈播....

見招牌打正燒味，入去就直接叫义燒燒肉飯。送來瘦义同燒腩仔，自問不太好瘦义，在沒太大期望下，入口竟是香甜又嫩滑的义燒。常見甚麼蜜汁义燒，但都係不知所謂，但今次真係香甜如蜜的义燒；瘦义通常都會認定是韌口難嚼，但口中的卻是嫩滑非常。怪不得這麼多推薦這裏的义燒一

久不久會到此餐廳中午用膳,點的也是叉燒飯居多...那天加班後決定到此晚飯,因不是太餓之故,所以只點了叉燒米粉.食物很快便送到, 但一看之下, 大吃一驚, 以為自己去錯了別舖,叉燒的外貎跟平日所吃的完全不一樣,毫無光澤,顏色是也不是鮮紅色的,只是退了色的粉紅, 像在別處泡了很久. 心想先試一口再說. 那知郤更失望. 叉燒偏硬, ,淡而無味. 完全不是平日所吃的叉燒, 由天下第一叉 (燒), 變成天下第一差! 眼看鄰座光顧的叉燒飯, 確實跟平日吃的無異, 心裡真郁悶心想叉燒飯跟叉燒米粉的價錢也差不多,為何所用食材郤差天共地. 以後也不敢再點叉燒米粉了....要一心一意吃飯

這天和朋友去了新世紀廣場睇戲,然後落返花園街搵食,路經這間店舖就被廚窗掛著的燒鵝吸引了,今晚就食這間吧 看到每枱都有客人叫燒味,相信出品應該唔錯,我們2人點了燒鵝例牌和西芹腰果炒蝦仁 燒鵝-熱辣辣好香無"so"味,值得再叫 西芹腰果炒蝦仁-腰果香口蝦仁爽口唔錯 凍奶茶-茶味濃又香滑,值得再叫

今日成日食得好少野，所以 5 點幾 6 點已經好肚餓，媽咪見係咁就都廢事煮啦，就係街同我睇下食咩好。我地行左陣，黎到花園街附近，見到呢間茶餐廳就決定入黎食啦，因為諗住食完可以行下街嘛。而且我印象中呢間野都好似好多人食幾好食的。入到黎 6:20 分，姐姐們同我地講話仲有下午茶，問我地叫唔叫，我地就話望一望啦，估唔到佢下午茶都去到 6:30 喎。下午茶幾多野食，好多多士飛碟等，亦有炒粉麵，由於我地食晚飯，所以就叫左個泰式炒河粉。之後見到人地叫個D燒味飯好似好好食咁，我就決定都要食燒味飯，哈哈，所以亦都另外叫左個叉燒飯。泰式炒河粉唔駛 5 分鐘已經黎到，勁快，不過佢一上檯我地已經聞到好香啦。佢有少少似炒貴刁咁，有D辣椒，都幾辣下。不過又完全唔會辣到食唔到，反而係好香好惹味，令你想食完再食。佢材料好簡單，只係肉碎，蛋，椰菜加河粉，但就煮得好好食。唔會有好油膩既感覺，不過下午茶份量所以唔算好大碟。另外叉燒飯又係好快就黎到啦，佢都俾左幾多叉燒下，不過可惜我唔記得叫佢俾D半肥瘦叉燒我，所以D叉燒係偏瘦多，間唔中有DD肥膏勁正。不過佢瘦得黎都幾好味，燒得好香，唔會瘦到好似瘦肉咁，一D都唔靱，所以我同媽

老公買過「潤發」义燒回家,它便成了我想食的地方。七點半黎到,竟然要等位。午餐的义燒煎蛋飯$30係雙蛋。到夜市,只有义飯+蛋$6/隻=$32,所以午餐$30,夜市要$38!!唔化算。只得一隻煎蛋,蛋汁可是不夠~幸好义燒份量比午餐多喎!「潤發」义燒,、85%肉15%肥,腍且不黏牙,义燒汁又入晒味。真係好食過什麼一哥义燒,八十幾蚊,又肥、唔夠味、得幾件!常餐:厚多士+牛肉/火腿奄列。多士尚算脆!牛肉「奄列」,大家睇到啦,其實係蛋皮牛肉。味道誰也知道,不用多說。辛辣麵,賣相有板有眼,如一碗日式拉麵。略嫌麵少少過腍,但配料加番分數。奶茶,顏色合格；味道合格。只係合格,因為奶多左DD而且有點杰,飲到近底,更甚。見好多人食小菜,賣相都好正!唔怪之得,咁繞腳,都有捧場客啦。

這夜與太太在此晚膳。點了：1. 果皮蒸深水泥鯭，有酒家水準! 2. 菜胆鷄，肉質嫩兼且頗有鷄味。送的老火例湯是粉葛豬骨湯，很夠味!酒樓水準! 喜出望外, 不得不讚！二菜配二湯二飯 $110埋單~是次消費: 每人約HK55 (晚餐) 聽聞這餐廳是用洗碗機，故食具筷子等全沒有濕和漂白水味道的問題。

環境比一般茶餐廳好，都幾乾淨，招呼也佷好。我哋要咗2個午餐，肉醬腸仔意粉($30)和义燒双蛋飯($30)，跟餐有飲品。肉醬腸仔意粉 - 意粉淋咗少少，但可接受，sauce幾好味，好香嘅牛肉味，唔錯。义燒双蛋飯 -聽落平凡嘅义燒双蛋飯，但食落有點驚喜，义燒好味又夠稔，加上双蛋和豉油汁，幾好味喎。奶茶都幾香。

叉燒飯$26佢喺天橋底，俾條石屎柱阻住之前食過佢個燒鵝，都唔差見佢掛出嚟啲燒臘，幾好色水叉燒幾好味，唔會過淋，醃得幾入味，燒得幾香口，唔柴皮或者過燶飯量都多，夠飽

今日我同屋企人約左o係旺角一間茶餐廳等,因為當時已經六點,但又想食下午茶,而呢間茶餐廳下午茶時間又至到六點半,所以就揀左呢間荼餐廳,一入去感覺都不錯,因為好光猛,好大!坐低後,就睇下餐牌下午茶有咩食,我就order一個干炒豬扒公仔麵,因為本人唔食洋蔥,所以就要求走洋蔥,點知個侍應好冇禮貌咁同我講,"下午茶唔會同你走架",我即刻嘅反應係"下??點解??"之後個侍應就冇出聲,我唯有order另外一款下午茶啦,後來我order了沙爹牛肉煎蛋米粉,而我男朋友就order返我本來想叫的干炒豬扒公仔麵,我未到達茶餐廳之前,我細妹同我妹夫已經order左兩客燒味米粉,佢地想要求燒味另上,點知侍應竟然同我細妹講"燒味另上要加$2,哈哈哈,簡直聞所未聞,凍飲加$2就聽過,燒味另上加$2真係第一次聽,我細妹都照加$2,費時同佢嘈,但竟然燒味另上嘅器皿係咖啡杯嘅底碟,簡直好似返左大陸咁,重要收多我$2???終於,我個沙爹牛肉煎蛋米粉到啦,牛肉騷嘅,明明個湯係沙爹,但係我覺得冇味,而我男朋友order嘅干炒豬扒公仔麵,竟然整碟都係燶嘅!今時今日咁嘅服務態度,食物水準邊得架,我以後都唔會再去呢間茶餐廳消費架啦!

三點身處旺角道, 準備跟生意伙伴傾生意, 也就隨便的找間茶餐廳落腳餐牌有下午茶供應, 既然價錢不算太高, 便叫個燒鵝賴餐, 好過齋叫飲品十幾蚊仲肉赤!燒鵝出奇地... 味道唔錯, 皮都幾脆咁, 肉就幾"爽"口, 仲唔多肥油, 拍得住深井播 一間茶餐廳有咁既水準, 真係有點驚訝!!凍檸茶都ok, 一般茶餐廳水準, 不過服務只係麻麻, d阿姐個鼻生得都幾高, 喂! 我都係消費者播!!個笑面, 係俾隻鵝, 唔係俾你架, 阿姐!

好少俾喊面, 因為出得去食野, 梗係已經plan左去食自己鍾意食既野, 只係有時即興, 先會入左去一間無plan過就入去既舖今次就入左一間好一般既茶餐廳, 叫左一碟四寶飯, 佢既四寶, 包括左燒鵝, 义燒, 燒肉同... 咸蛋!! 咸蛋都當一寶, 印象已經唔好, 切雞都無一件.. 唉!燒鵝係無咩肉可以食, 得皮包骨, 义燒勁瘦...燒肉超細舊, 咸蛋算比較正常.. 唔信? 自己去試吓, 不過咁佢就做多單生意了

唔係我作大, 小弟係旺角上班 , 什麼咩記都食過晒 , 唯一一間會經常去食燒味飯的店就是潤發 , 有時有朋友來探我食 lunch , 我都會帶佢地來幫趁 , 佢地試過都話 GOOD ! 小弟來這裡食飯 , 當然首推四寶飯 $32 個套餐 , 跟熱飲 , 冷飲 + 2.0 四寶飯有燒鴨 , 脆皮燒肉 , 同靓叉燒 加咸蛋 ! 唔係講笑 , D 燒肉次次都係脆皮 , 一定保持到水準 , 叉燒不用叫肥叉也一樣甘淋 , 真架 .... 小弟其實不愛叉燒 , 但這間又可以喎 !碟飯份量很夠 , 次次都係食晒 D 飯仲有餸餘下 .... 無花無假 , 唔信你來試一下 ! 我唔知點解這間無人寫食評 ?????? 你地係咪食家來架 ? 旺角這間點可算是高水準之作 ! 註 : 灣仔再記有時水準有高有低 , 這間就可以保持質數 !

下午茶時間肚餓喔,行過潤發茶餐廳便入內醫肚了!環境尚算乾淨,可能係新開吧,下午茶時段都幾多人,掛在門口的燒味顏色幾吸引,不過實在唔想食燒味飯,因為份量會太多,都係食番飛碟了火腿飛碟茶餐,連飲品只係廿蚊,杯凍檸茶幾好飲,可是如果可以叫火腿芝士飛碟會更好,因為覺得芝士在飛碟內溶掉一定好好食,但可惜係店員說就算加錢都不能做給我...只可說,本來好食既野都打了折扣服務一般,再來,可能只因為就腳!