影片
更多
2022-10-01
1097 浏览
2022年9月21日 星期三疫情關係已經好耐無返過日本，同時間有咗小朋友之後一直都好少機會出街食飯，所以難得今晚可以同老婆出去行街，當然要試吓久違嘅拉麵啦，今次就去咗沙田呢一間餐廳食，其實之前都已經試過一次，不過已經過咗一年有多無黎好彩入座嘅時間都算早，遲少少到已經大排長龍，睇返餐牌發現有二人餐選擇，價錢經濟而且有齊拉麵同小食仲有飲品添，夠晒經濟實惠，所以冇諗太多就決定點咗二人餐，同時間見到餐廳有新拉麵口味推介，分別係鹽味帶子清湯拉麵同東京叉燒醬油拉麵，睇圖片賣相都唔錯，下次有機會來再試等咗大約10分鐘左右拉麵就開始陸續嚟到，首先有老婆點嘅原味豚骨拉麵，有好濃郁嘅豬骨香味，而且拉麵好掛汁，食落去好煙靭，有咬口至於我就要咗黑麻油豚骨拉麵，比起原味，黑麻油食落去更加惹味，而且我再加埋芝麻上去，味道更加豐富，叉燒食落去入晒味，一啲都唔韌，肉同脂肪嘅比例好平均，再加埋流心蛋，簡直係一流小食方面我哋分別叫咗自家製炸雞同自家製黑胡椒雞翼，炸雞雖然得三舊，不過每一舊都好大件，而且咬落去仲有汁流出來，肉質好幼嫩，點埋檸檬汁嘅話感覺會冇咁油膩添至於黑胡椒雞翼，食起上嚟有好濃郁嘅黑胡椒味，但係唔算太辣，外
疫情關係已經好耐無返過日本，同時間有咗小朋友之後一直都好少機會出街食飯，所以難得今晚可以同老婆出去行街，當然要試吓久違嘅拉麵啦，今次就去咗沙田呢一間餐廳食，其實之前都已經試過一次，不過已經過咗一年有多無黎
好彩入座嘅時間都算早，遲少少到已經大排長龍，睇返餐牌發現有二人餐選擇，價錢經濟而且有齊拉麵同小食仲有飲品添，夠晒經濟實惠，所以冇諗太多就決定點咗二人餐，同時間見到餐廳有新拉麵口味推介，分別係鹽味帶子清湯拉麵同東京叉燒醬油拉麵，睇圖片賣相都唔錯，下次有機會來再試
等咗大約10分鐘左右拉麵就開始陸續嚟到，首先有老婆點嘅原味豚骨拉麵，有好濃郁嘅豬骨香味，而且拉麵好掛汁，食落去好煙靭，有咬口
至於我就要咗黑麻油豚骨拉麵，比起原味，黑麻油食落去更加惹味，而且我再加埋芝麻上去，味道更加豐富，叉燒食落去入晒味，一啲都唔韌，肉同脂肪嘅比例好平均，再加埋流心蛋，簡直係一流
小食方面我哋分別叫咗自家製炸雞同自家製黑胡椒雞翼，炸雞雖然得三舊，不過每一舊都好大件，而且咬落去仲有汁流出來，肉質好幼嫩，點埋檸檬汁嘅話感覺會冇咁油膩添
至於黑胡椒雞翼，食起上嚟有好濃郁嘅黑胡椒味，但係唔算太辣，外皮炸得好香脆，感覺唔錯
埋單都係二百幾蚊，已經食到勁飽
张贴
