影片
更多
2021-05-04
189 浏览
事隔年幾終於品嚐一次正統嘅日式廚師發板，太耐冇去日本旅行，見到個餐單都有莫名嘅感動。前菜方面，分別有宮崎蕃茄，識落非常之新鮮，酸酸地當中帶特別嘅清甜味道，而且當中水份特別多，同普通食到嘅蕃茄簡直係隔咗10個層次。另外仲有白梅貝海螺，師傅話已經浸左兩日，連內臟都食得，海螺彈牙得來好容易咬開，唔識得形容呢個口感但係柔軟得來太有彈性，而內臟好似食緊鮑魚肝醬咁樣，真係一試難忘。最後仲有松葉蟹肉加沖繩水雲，蟹肉一試一試非常之新鮮，配上沖繩水雲酸酸地非常開胃，水雲帶少少黏但係又好脆口。之後就到鮫蝶，係一種右口魚，魚肉薄切作為第一道刺身，博切裏面包着咗火灸過既鮫蝶魚邊，比起一般食到嘅蝶魚有更濃郁嘅魚油香味，因為如邊係游水肌肉位，本身油脂多，火炙之後有煙熏味道，加少少葱已經可以帶到濃郁嘅鮮味，個人覺得唔沾醬油更加好食，魚肉簿切嘅口感好似食緊刺身包嘅卷物咁。下一道刺身就係九州長崎縣小長井蠔，好新好大隻，好似廣島號咁大，配上用醋造成嘅啫喱，掃上柚子皮，相互配合減低嘅膩咸，蠔肉大隻爽脆，有說不出嘅清甜味道，定唔似歐洲嘅蠔有鐵鏽嘅味，嗰種甜味亦都唔係其他日本嘅蠔可以媲美嘅。再下一道就係四國針魚，銀色嘅魚身非常
前菜方面，分別有宮崎蕃茄，識落非常之新鮮，酸酸地當中帶特別嘅清甜味道，而且當中水份特別多，同普通食到嘅蕃茄簡直係隔咗10個層次。另外仲有白梅貝海螺，師傅話已經浸左兩日，連內臟都食得，海螺彈牙得來好容易咬開，唔識得形容呢個口感但係柔軟得來太有彈性，而內臟好似食緊鮑魚肝醬咁樣，真係一試難忘。最後仲有松葉蟹肉加沖繩水雲，蟹肉一試一試非常之新鮮，配上沖繩水雲酸酸地非常開胃，水雲帶少少黏但係又好脆口。
之後就到鮫蝶，係一種右口魚，魚肉薄切作為第一道刺身，博切裏面包着咗火灸過既鮫蝶魚邊，比起一般食到嘅蝶魚有更濃郁嘅魚油香味，因為如邊係游水肌肉位，本身油脂多，火炙之後有煙熏味道，加少少葱已經可以帶到濃郁嘅鮮味，個人覺得唔沾醬油更加好食，魚肉簿切嘅口感好似食緊刺身包嘅卷物咁。下一道刺身就係九州長崎縣小長井蠔，好新好大隻，好似廣島號咁大，配上用醋造成嘅啫喱，掃上柚子皮，相互配合減低嘅膩咸，蠔肉大隻爽脆，有說不出嘅清甜味道，定唔似歐洲嘅蠔有鐵鏽嘅味，嗰種甜味亦都唔係其他日本嘅蠔可以媲美嘅。
再下一道就係四國針魚，銀色嘅魚身非常之搶眼，本身以為食銀身魚主要係食佢嘅口感，點知係針魚煙韌嘅質地之下魚味都相當濃郁，配薑蔥汁會帶出鮮味同時又減低魚腥味，令本身對銀身魚麻麻哋嘅我重新發現佢哋嘅美味。之後太刀魚刺身，因為日本採用嘅係續條續條釣上黎，太刀魚本身牙齒會外露，如果係用撈的話就會比其他太刀魚整損咗個魚身，令到啲肉會腥會霉，用釣既就唔會比其他魚外露既牙整損魚肉，配上柚子胡椒另外再輕輕火炙咗外皮，魚肉有d似油甘魚質地而味道比鯛魚濃d。
之後就係小貝柱同埋螢光魷魚，小貝柱同平時食到嘅帆立貝好唔同，佢比較似乾瑤柱咁嘅質地，彈牙得來維持到一絲絲嘅質感，非常新鮮。而螢光魷魚師傅用火槍輕輕燒過，裏面爆爆膏，原來係好有好似蟹膏既味道，令我大開眼界。
再之後就係中拖羅配以紫蘇葉同岩鹽，加上微微火炙過嘅拖羅額頭，中拖羅本身已經非常之魷魚味，喺魚油同埋口感之間做出最好嘅平衡，但係之後食咗拖羅額頭之後發現味道更加濃郁，而且比中拖羅多咗一份甘酸既味道。
食完刺身之後就到和食啦，燒熟嘅太刀魚如有迫晒出嚟，魚肉食囉非常之滑同埋軟熟，完全做到入口即溶嘅感覺，配上山楂醬汁去減低個肥膩感，另外仲有平視我見到喺甜品上面一定唔會食嘅龍珠果，原來日本出產嘅龍珠果係完全唔同，味道甜甜酸酸似百香果，而且仲非常之juicy。
食完之後就到食壽司啦，第一道就係生北寄貝，比起一般食到嘅彈牙10倍，加左柚子帶出嘅鮮味。之後就到深海池魚，同一般識到嘅池魚更加creamy 煙韌，魚味濃郁得來冇平時食到嘅池魚腥味。之後就係大拖羅，師傅好細心咁樣分開咗啲筋，令到食落去嘅口感魚肉滑好多，入口即化完全唔使用牙咬，拖羅特別嘅魚有香就咁樣溶化喺口入面，久久不散。食完拖羅之後就可以食到更加味覺刺激嘅赤海膽，隻海膽其實就即係馬糞海膽中間得20% 特別紅色嘅海膽，比起一般嘅馬糞海膽佢有更實淨既口感，會食得出一粒粒非常分明，味道甘甜仲帶有少少海水味。再之後就係小肌魚，小肌魚係江户前壽司第一種被選擇既魚，一路沿用至今就可以知道呢一款魚嘅地位啦，師傅用咗鹽醋醃，配上薑同紫蘇葉，比起如有香呢一款與更加有清新嘅甜。最後就係拖羅筋，分咗出嚟唔好嘥，師傅燒左之後再加葱，食落去除咗拖羅嘅魚油香之外，質地都好唔同，有芝士拉絲既creamy感，同時入口即溶，漿住喺個口入面齒頰留香。再飲埋個愛呂魚魚骨清湯，非常清甜，清一清個味蕾，最後就食埋自家製既抹茶奶凍，比起一般奶凍用咗更加少嘅魚膠粉，所以奶凍非常之滑同埋有軟綿綿嘅口感。
呢一餐真係非常滿足，簡直係還咗呢一年半嘅心願。
张贴
