久久

营业中

休息中

餐廳：久久地點：中環街市菜式：台灣菜餐牌：下午茶餐牌有手工麵，家傳滷肉飯，手工拌麵，地道小食，甜點，飲品，價錢相宜。久久紅燒牛肉手工麵 $58久久紅燒牛肉手工麵大大碗，面頭係牛肉三大件。牛腱心帶筋，整得好淋好有牛味！伴有好多鹹菜同蔥花。個湯好清，送麵好食唔會肥膩。麵係白色扁身麵條，都有口感，份量唔少，唔錯。半筋半肉拌麵 $66牛筋同牛肉各兩件，牛筋超級張口，入口即溶咁滯。我揀左古早蔥油味，都可以揀麻辣味，味道好惹味，微微甜甜地。麵條撈有好多滷肉，蔥花，鹹菜同炸菜，口感味道豐富。個人覺得拌麵仲好食過湯麵。蜜汁滷排骨滷肉飯便當 $62蜜汁滷排骨分開上，大大塊一開六片連少少骨，整得皮脆肉嫩，個蜜汁酸酸甜甜好醒胃。飯面頭有好多多汁滷肉，半隻糖心蛋同好正既肉鬆，都好多料下。麻辣鴨血 $18麻辣鴨血一客六件，一口氣叫左三份，非常抵食。鴨血爽脆，味道真心非常辣，面頭加有好多辣椒同蔥花。今餐食物都幾好，上菜快捷，價錢合理，地點方便。下午茶特別抵食。