初心 (已結業)

灣仔嘅大街小巷隱藏咗唔少特色小店，機緣巧合下我地去咗呢間燒肉店。餐廳裝修有濃厚嘅日本風味，佔地上下兩層。午市有各款丼飯可以揀，有豬/牛嘅選擇。餐具，茶杯，茶壺都好有特色。🐷岩鹽燒熊本黑毛豬丼 $188岩鹽燒黑毛豬，入口油脂甘香，岩鹽調味適中，唔洗點汁已經好好味！肉質彈牙！仲配上洋蔥絲同薑片，撈埋一齊食味道更清新，可減低肉膩感覺！🐮純血和牛大盛 $238和牛鋪滿整個飯面，和牛入口滑溜，肉質軟腍，牛味重，份量啱啱好，好味到一粒飯都冇得淨，食哂。