爆丼屋 (已搬遷) 新店位置

出到旺角，又想食日本野就會諗起以丼飯為主打的爆丼屋，運好時間尚早，不需等候太耐已可入內了。先下單2枝童年回憶...波子汽水過下口癮。先下了煙燻丼，來到時已被玻璃罩罩著，但都已聞到櫻桃蘋果香味，打開時煙霧陣陣飄出，非常吸引。煙燻海膽帆立貝丼其丼飯非常足料，以無數的帆立貝圍邊，再舖滿海膽在中間位置，見到都為之心動。丼飯的海膽色澤金黃，質感細膩，更有種回甘嘅香甜。帆立貝味道鮮甜，質感爽脆，一口一片，非常方便。底層以赤醋加入米飯中，令米飯更香口；還不止，米飯中藏有鮑魚，味道濃郁爽身，令人有意想不到的驚喜。鵝肝海鮮盛丼無聽錯！鵝肝都可以做丼飯，當中更加入火灸帆立貝，海膽，魚籽，三文魚籽及蛋黃，非常豐富。帆立貝經過微微火炙，更散發出其油脂味道，而主角鵝肝厚身而嫩滑。輕輕切開蛋黃流出蛋醬，令整體更覺香滑綿綿。海港直送，日本味道...真係飛唔到都可以緬懷一番。