夢の丼 (已結業)

朋友最近返新工咗去西環做嘢,附近就係呢間餐廳,佢有時會喺度食lunch,已經讚口不絕,剛好今晚接佢放工慶祝新工,所以都決定咗幫襯佢心儀嘅日式餐廳☺️招牌菜自然會係丼飯，睇返餐牌亦有小碗同大碗之分，方便唔同食量嘅客人，非常貼心。夢之丼（招牌菜）～通常與招牌同名嘅菜式都係必點Item,只係睇個賣相已經食慾大增，每種食材拼湊出嚟，都會有協同效應，令整個丼飯都充滿鮮味😋而且每種食材都非常新鮮同時睇得出師傅對食材嘅一絲不苟！極北丼（輕量版）～雖然係輕量版，但以一個女士正常嘅飯量都已經綽綽有餘，當然刺身數量唔可以以正常size去比較，但刺身嘅新鮮程度，絕對與正常size丼飯無異。日式炸雞～炸雞外脆內嫰，每一件既外層都唔厚，可以食到雞肉嘅口感，較為特別係佢配以千島醬，酸酸的、非常開胃，亦可以去除炸物嘅油膩感🤩雞翼～燒雞翼程度剛好，無燒到乾柴的感覺，配上檸檬汁，口味更加fresh~軟殼蟹沙律～整個沙律可以用「霸氣」來形容，一盤滿滿的，再放上大size嘅軟殻蟹，香脆嘅軟殻蟹、魚子、沙律菜，真係同時享受幾種食材不同嘅層次嘅口感🤭