影片
更多
2013-06-02
54 浏览
今日係附近剪完頭髮，成30幾度，係冇咩胃口既情況下就諗起天一丼。其實四月初已經食過一次，當時係食晚餐，令我念念不忘既就係麻醬三文魚冷烏冬，三文魚新鮮肥美，加埋烏冬煙煙韌韌，仲有清新既胡麻醬，真係一流！不過今日試既係lunch set (估唔到星期六都有Lunch set，3:00pm仲有tea set！？＠＠大多數餐廳六、日只提供a la carte！)前菜係螺肉，都幾大粒！叫多左個三文魚麵豉湯，表面冇野，但入面原來有舊三文魚骨（唔知點解突然諗起肥媽＂食平Ｄ＂），仲有啲魚肉同油豆腐，比其他餐廳個啲多左份魚既鮮味。入正題：辣醬三文魚丼，以lunch set黎講份量算多，大概一個吉野家細牛飯再多少少，魚生十分新鮮，但就冇上次夜晚食咁肥美（當然係因為lunch關係)。最特別係個自家製辣醬，佢將個醬淋左係魚生表面，味道竟然有啲似加左辣既甜醬o_O？（唔知有冇人有咁既同感？）經理好好人咁問我要唔要多啲醬，額外俾左一兜仔我，試真啲佢既味道係有少少偏咸，但唔算太辣，有微微麻辣感，又冇wasabi既攻鼻，所以索性將佢取代豉油！（溫馨提示：未試真個味之前我落左兩匙撈飯，後尾先覺太咸，有時做人真係唔好咁貪
今日係附近剪完頭髮，成30幾度，係冇咩胃口既情況下就諗起天一丼。其實四月初已經食過一次，當時係食晚餐，令我念念不忘既就係麻醬三文魚冷烏冬，三文魚新鮮肥美，加埋烏冬煙煙韌韌，仲有清新既胡麻醬，真係一流！
不過今日試既係lunch set (估唔到星期六都有Lunch set，3:00pm仲有tea set！？＠＠大多數餐廳六、日只提供a la carte！)
前菜係螺肉，都幾大粒！叫多左個三文魚麵豉湯，表面冇野，但入面原來有舊三文魚骨（唔知點解突然諗起肥媽＂食平Ｄ＂），仲有啲魚肉同油豆腐，比其他餐廳個啲多左份魚既鮮味。
入正題：辣醬三文魚丼，以lunch set黎講份量算多，大概一個吉野家細牛飯再多少少，魚生十分新鮮，但就冇上次夜晚食咁肥美（當然係因為lunch關係)。最特別係個自家製辣醬，佢將個醬淋左係魚生表面，味道竟然有啲似加左辣既甜醬o_O？（唔知有冇人有咁既同感？）經理好好人咁問我要唔要多啲醬，額外俾左一兜仔我，試真啲佢既味道係有少少偏咸，但唔算太辣，有微微麻辣感，又冇wasabi既攻鼻，所以索性將佢取代豉油！（溫馨提示：未試真個味之前我落左兩匙撈飯，後尾先覺太咸，有時做人真係唔好咁貪心）
烏冬係跟埋係lunch set入面，以女仔黎講食完個飯都飽左7、8成。烏冬個湯應該係木魚湯，味道偏淡，烏冬口感彈牙，但因為同魚生飯差不多一齊黎，放耐左有啲唔夠熱。
總括黎講le度裝修簡潔，店舖雖少但係都幾有特色（牆上啲雜誌話好多醬都係自家製），個toilet又幾乾淨（我覺得le樣野係幾重要架＞＜)。服務方面都唔錯，入到黎就即刻俾茶，又有介紹下個menu，期間都會refill啲茶，食完又會自動俾牙籤。但唯一美中不足係第一下入黎冇打招呼，好似差緊啲歡迎客人感覺（因為好多日本餐廳都會用日文大叫歡迎光臨，跟住其他員工會跟住一齊叫，好有team spirit）。價錢以銅鑼灣黎講算抵，會再黎！
题外话/补充资料：
星期六好多人等小巴入赤柱，遮住門口好易走漏眼搵唔到＠＠
(以上食记乃用户个人意见 , 并不代表OpenRice之观点。)
张贴
