HeSheEat (銅鑼灣地帶)

营业中

休息中

HeSheEat嘅主食同甜品一樣高質，每次幫襯完都大滿足。虎蝦墨魚汁意粉次次有親墨魚汁意粉都必叫，食到中毒咁就最開心，代表夠濃好好食😂墨魚汁加了點蒜香味，每條意粉都沾滿了墨魚汁，烏卒卒但好好食。虎蝦有三隻，大隻彈牙有驚喜。🦐紅花海鮮燴意大利飯有蝦，有帶子，有墨魚，有蜆，誠意夠。最愛意大利飯硬中帶軟嘅口感，粒粒飽滿，索晒個汁，食落又唔覺得好滯好膩，唔錯。🍨厚焗鬆餅🧇口味係朱古力花生醬焦糖香蕉配杏仁雪糕，即叫即焗，外層香脆，入面鬆軟，香蕉上有一層焦糖薄脆，配埋焦糖朱古力醬，勁邪惡🧛‍♂️🍫朱古力梳乎厘班戟 空氣感十足，震騰騰，視覺效果滿分。班戟質感軟綿有蛋香，上面嘅瀑布朱古力醬綿密順滑，配嘅橙酒酒味唔算太濃，淋上班戟，清新解膩，吃一啖，感覺好幸福。溫馨提示，製作需時， 記得預早20 分鐘下單，即主菜食到一半就要落單，唔係嘅話有排等。牛油果奶昔牛油果🥑幾有營就唔洗多講，牛油果本身味淡，混合奶去blend岀嚟效果唔錯，乳香味中滲岀淡淡牛油果味，牛油果控必試。熱朱古力香濃好飲唔太甜，飲完成個人暖笠笠。