麵屋神匠

营业中

休息中

今日朋友带我嚟咗呢间专做虾汤拉面嘅面屋神匠。餐厅内嘅装修甚有日本居酒屋嘅风格。既然呢度系主打虾汤，当然要拣番个浓厚虾汤拉面。呢度每款拉面都会配有笋、葱、溏心蛋半只、紫菜同慢煮叉烧。除咗有浓浓嘅虾汤，仲有大量嘅樱花虾，令整碗拉面虾味更加浓郁。而我就特别欣赏佢嘅溏心蛋，蛋黄酱混入虾汤拉面真系好鲜好夹。除咗拉面，呢度仲有沾面，我哋就拣咗神匠蕃茄虾汤沾面。沾面同样配有笋、葱、溏心蛋、紫菜、慢煮叉烧，更特别嘅系另外配有法包配罗勒酱。沾面嘅蕃茄虾汤味道超浓郁，蕃茄同虾汤嘅味道互相辉映，唔会抢咗另一食材嘅味道，加上同样有大量樱花虾，用弹牙嘅拉面沾上呢个浓汤真系好滋味。另配嘅法包涂满罗勒酱，其实单独享用都已经够好味。每款拉面或沾面都会配以腌青瓜作前菜，味道酸酸辣辣，非常开胃。我食拉面习惯都要配返个小食，炸日式饺子外皮脆口而馅料亦丰富。饮埋支冰冻嘅汽水真系透心凉又满足。