串燒咖啡 (已結業)

星期六既下午，約左朋友聚下，但出面天寒地凍，搵個舒服既cafe傾下計，食下野都唔錯。 雖然呢度地方唔係好大，不過環境都幾舒服。播住音樂，又有好多遊戲玩，都幾適合上嚟聚會或者傾下計，而且仲有野飲野食叫下。 餐牌都好多款式，特飲，飯意粉，小食甜品等，比較特別既係佢有好多唔同種類既串燒比人揀，cafe嚟講真係小見。 朱古力曲奇奶昔，朱古力味道適中，唔會太甜太淡，奶昔都幾滑，而且仲有曲奇係入面，浸過奶昔既曲奇依然好脆！ 菊花杞子茶，朋友揀左呢個，菊花杞子夠滋潤，而且夠晒清甜，入口好舒服。 菠菜汁忌廉煙三文魚意粉，見到綠色既意粉好得意，而且味道1d都唔怪。估唔到食落幾creamy，入口幾滑，同煙三文魚幾夾。 串燒，叫左好多種串燒，有燒芝士腸，燒吊筒仔，燒帆立貝，燒雞軟骨，燒雞肉串，燒豬肉串，燒雞中翼，燒安格斯牛肉，燒茄子。 帆立貝好大隻又啖啖肉。 燒茄子好大碟，而且好香蒜蓉味，茄子燒得夠淋。 燒雞中翼夠入味，調味料落得均勻，雞翼既皮燒得幾脆，食落幾惹味。其他野食整體都燒得唔錯，估唔到cafe既串燒都可以咁有水準。享受了一個串燒cafe的下午。