影片
相关文章
坐下又一日 轻松又自在同女朋友行街行到攰攰地，想去食tea就去左朋友成日提嘅串烧cafe都试下，气氛都唔错，岩晒情侣或者三五知己黎呀！我地order了小食拼盘，简简单单嘅鸡翼味道甜甜地唔错，薯条同麦乐鸡热辣辣炸得好香好脆，最钟意就系佢呢度嘅沙律，食完炸野食返d清新沙律，即时减少油腻感，蔬菜嘅新鲜爽甜配埋芝麻酱一齐食好好味！另外再叫左香蕉朱古力松饼配朱古力雪糕，朱古力配朱古力雪糕再加朱古力酱虽然睇落有点漏，但食落非常滋味好味，松饼好松脆又够热，外脆内软口感好正，捞埋少少雪糕一齐食都唔错，但个人like雪糕分开食，松饼配香蕉一齐好食d！呢度价钱一d都唔贵，又可以慢慢坐慢慢食先令我觉得最舒服最自在！
继续阅读
时间过得好快 转眼2017年已经过左1/4而我同小胖男友仍然系keep住密密揾(地方)...密密食有日我地就去左登打士街一座有好多cafe既大厦内觅食 凭直觉我地拣左一间叫串烧咖啡既cafe可能时间尚早既关系 cafe唔系有好多人 装修简单 较清静虽然地方唔系好大 但餐牌非常精美 亦有好多类型既食物选择小妹认为Cafe 最 最 最重要既一定系杯饮品我地点左水果茶同朱古力曲奇咖啡两杯都好有质素不但甜度适中 朱古力同咖啡味又够浓 最难得系够晒冻 (平日好多时饮冻朱古力都会出现个底系热既情况 )另外 除左cafe基本既小食拼盘同意粉外, 仲有大量款式既串烧当日我地就主攻串烧.....以为cafe既串烧会好敷衍?! 唔系㖞 又系有惊喜 不但价钱唔贵 仲烧得够香够脆 串烧上既沙茶酱味道亦好配合食饱串烧 意犹未尽 已经有饱意既我地忍唔住诱惑再叫左个好靓既草莓香草松饼松饼口感的确好松软 配上新鲜既士多啤梨同雪糕 好幸福虽然环境未算好靓 但性价比高 推介大家一试呢间小店
继续阅读
收工同好姊妹相约去旺角行街买野，再去埋油麻地买生果，之后就食埋个晚饭先走，朋友介绍左去一间楼上CAFÉ食野，果然推介得唔错，又真系几好味㖞，都有Ｄ惊喜，位于旺角登打士街36号恒威商业中心7楼，地点都易揾架！青柠梳打，味道调得岩岩好，饮完好清新丫！朋友叫左杯水蜜桃梳打，我都饮左啖，又真系几好饮ｗｏｒ，唔会太ｓｗｅｅｔ，刚刚好！点左个三文鱼沙律，好fresh，三文鱼都好新鲜，正！我地最爱就系食炸薯条，最好就系吹水食物之一，一边食一边吹下水，不知几咁满足，哩个薯条加埋芝士酱简直绝配，又唔会太过流，真系好惹味丫！菠菜汁忌廉烟三文鱼意粉哩个意粉整得好出色，个cream汁整得好好味，好香浓，我最爱哩个意粉，真系自己点整都整唔到咁好食!话明串烧咖啡紧系有串烧啦，叫左个烧韮菜，佢个调味同酱汁整得好好味，好爽口韮菜，必点！烧茄子，劲大条丫真系，原条开边，我都系第一次食咁大条，又系劲惹味，佢地既汁加调味粉都整得好出色！烧牛仔骨，份量都大块，牛肉仲好嫩，肉汁正！花枝丸＋鸡肉串烧，花枝丸够大粒，鸡肉腌制得好入味，又唔会有味精，可点黎试试～最近点少得食埋个甜品丫，几个女仔紧系要点啦，士多啤梨窝夫，都大份丫，真系要３—４人先食得哂，士多啤梨酱真系女人至爱，又唔会过份SWEET,有D酸酸地,好味丫个窝夫，仲要有Ｄ脆脆地，讲起都流口水真系！都多意粉选择㖞暗暗地既环境都好岩几个人上黎吹水食野
继续阅读
我觉得呢间餐厅都几特别，有西式食物之余仲有串烧食，啱晒我呢啲有少少选择困难嘅人可以两样试哂。班尼蛋卡邦尼意粉好好味，意粉煮到软硬适中，酱汁方面唔会太杰或太稀，啱啱好挂住D意粉好好味（必试）串烧方面；我哋点咗烧韭菜、烧带子、烧鱿鱼须、鸡肉串、秋刀鱼、原条蒜蓉烧茄子，除咗串烧牛肉烧得干咗啲有啲似食紧牛肉干咁，同埋串烧菠萝好似冇乜烧过咁唔甜带酸，我哋最后先食当饭后果，帮助消化。整体嚟讲嘢食系超好味，系同朋友食饭倾计好地方。超抵食喺openrice 见到佢哋有个优惠六点后惠顾全单有八折，两个人折咗都系＄300，优惠至31/3，唯一要改善就系通风系统，因为食完成身油烟味
继续阅读
其实而家都仲有好多楼上咖啡室，每一间都总有拥护者，自问个人都光顾过唔少同类型咖啡室，但令我会再光临就只此一家~串烧咖啡！这里除了有得食串烧外，甜品饮品选择都好，味道亦好好饮。呢个综合鲜杂果茶HKD40大大杯且份量及水果都十足味道够浓郁但又唔会好甜好酸，味道适中又有粒粒鲜杂果，口感十足卖相又突出因为下午茶关系，所以吃得不多点了个蒜蓉牛油青口HKD28/3只，烧吊筒仔HKD18/串及烧带子HKD38/2大粒款款好味又抵食蒜蓉牛油青口好香浓牛油及蒜香，而且新鲜吊筒仔烧得恰当，而且又唔韧，口感适中带子新鲜又大粒，鲜甜又弹牙除了其他烧物类，生果都有得烧见几得意，拣左个烧香蕉HKD8/条面层淋上朱古力酱，香旧被烧过，因此有一阵烧过的香气，但香蕉仍保持口感适中唔会过腍，而且香甜见其甜品够吸引，因此亦点了个抹茶OREO松饼HKD58超好食，卖相已经不错，如果云呢拿雪糕口味可以有其他口味选择则更好，抹茶OREO松饼带微微抹茶味及清香，而且松饼松脆适中，口感好好，又唔会好甜，十分好吃。会再来的！
继续阅读