影片
更多
2015-01-05
596 浏览
因為朋友住在對面的酒店，想找一處最近的地方開飯，隨意搜尋，搜到這一間。 銅鑼灣希雲街，一條正被發展的小街，因為附近有新落成的大型豪宅，三萬蚊一呎那種；原本存在的，車房、洗衣店、糖水舖都執得七七八八。希雲街？邊條啊？Via Tokyo就喺街口，行入啲有富山拉麵。 Bilibala Yakitori Bar 要再行入啲，就喺正未入伙的豪宅對面，舖仔細細，有一列個半開放式的bar 枱位，坐到出街，即係可以食煙，另外有一兩張枱。 酒類選擇算多，一心來吃串燒，自然飲 sake，6個人，好口渴，一共飲了三枝。 食物方面，要自己剔，但係剔𠴱張紙冇價錢，有價錢的在另一張餐牌上面，於是剔食物時，不會知道剔的食物幾多錢，店方一定有研究過先會咁做，我個人認為咁樣唔係幾好；而餐牌上面的價錢都是一串的價錢，大家要留意返。食物類型都係嗰啲，牛舌、安格斯牛柳、煙肉車厘茄、免治雞肉棒、雞軟骨、雞翼、雞腎、雞肝、帶子、廣島蠔、冬菇、粟米、豆腐、鯖魚，每樣兩、三串。質素算不錯，不過以這個價錢來說不算出色。難食的有大腸，臭的，還有白鱔，乾、腥、有骨；燒明太子燒得幾好，＄108 一條，帶子好大隻，不過出哂水，唔夠時間解凍囉。
銅鑼灣希雲街，一條正被發展的小街，因為附近有新落成的大型豪宅，三萬蚊一呎那種；原本存在的，車房、洗衣店、糖水舖都執得七七八八。希雲街？邊條啊？Via Tokyo就喺街口，行入啲有富山拉麵。
Bilibala Yakitori Bar 要再行入啲，就喺正未入伙的豪宅對面，舖仔細細，有一列個半開放式的bar 枱位，坐到出街，即係可以食煙，另外有一兩張枱。 酒類選擇算多，一心來吃串燒，自然飲 sake，6個人，好口渴，一共飲了三枝。
食物方面，要自己剔，但係剔𠴱張紙冇價錢，有價錢的在另一張餐牌上面，於是剔食物時，不會知道剔的食物幾多錢，店方一定有研究過先會咁做，我個人認為咁樣唔係幾好；而餐牌上面的價錢都是一串的價錢，大家要留意返。
食物類型都係嗰啲，牛舌、安格斯牛柳、煙肉車厘茄、免治雞肉棒、雞軟骨、雞翼、雞腎、雞肝、帶子、廣島蠔、冬菇、粟米、豆腐、鯖魚，每樣兩、三串。質素算不錯，不過以這個價錢來說不算出色。難食的有大腸，臭的，還有白鱔，乾、腥、有骨；燒明太子燒得幾好，＄108 一條，帶子好大隻，不過出哂水，唔夠時間解凍囉。
想去光顧的人當呢間係一間酒吧，食物當係客串會好啲。埋單＄4200，每人七佰，扣除酒錢，食物＄400，唔飽。我想知Openrice 食評，話食$200 同$300啲人係食咗咩？我好想對對張單，不過張單係英文，好難明，算數。
张贴
