串酒里 (已結業)

網上聽講過呢間以自家製「粗口」啤酒作賣點，呢D咁過癮既野，當然要去試一試佢啦。不過呢間舖頭既門口唔明顯，因為要行入巷內，所以真係要認真留意先得。入到去，可以揀室內或室外位置，明明天氣凍，但未婚夫話要坐出面，原來係因為佢覺得室內比較嘈，室外無咁嘈，而且氣氛好D，所以我成餐都圍住溫暖既頸巾。睇完餐牌，當然先揀「粗口」啤酒啦~左=香檸薄荷右=香甜蜜糖我飲既係後者，麥味濃帶有少少甜味，啤酒配串燒~正!!!!生蝦配特色泰醬好新鮮好彈牙，咬落去好有質感，醬汁唔辣，但刺激又惹味～黑松露沙律醬薯條呢個薯條炸到係我鍾意嘅質感，外脆內有少少薯仔肉喺入面， 好香黑松露味，仲帶有甜味添，因為個醬會喺面頭， 所以我建議大家由底開始呢啲薯條出嚟食 感覺像就條條都有醬嘛！！鹽燒日本甜薯就算我放咗一陣甜薯都仲係暖笠笠， 咬落去黏黏地，有少少似熟咗嘅年糕， 而且加咗少少鹽燒，個甜味更加明顯。芝士煙肉焗大啡菇大啡菇面頭有煙肉、水牛芝士， 喺上面仲灑咗一啲芝士粉添， 雖然有濃濃哋嘅水牛芝士喺面，但係因為份量唔算太多， 再加上芝士粉有香味之餘又唔會太膩， 而且咬落去仲好juicy添～辣味剁椒燒日本廣島蠔雖然佢話係辣味但係食落