密密燒

营业中

休息中

朋友今日帶咗我去深水埗食串燒，餐廳主打自助燒烤，2個人可食2個半鐘，幾點去食都可以，而且除咗一般汽水之外，仲包埋啤酒仼飲，依個價錢嚟講非常抵玩👏🏼餐廳嘅衛生做得好足，地面同枱都唔會油冧冧黐立立，個爐頭仲好乾淨，擺放生串燒嘅木盤都好新淨，唔會發哂霉污糟邋遢，所以環境衛生方面我俾💯分✨試吓啲串燒味道如何先🍢厚切牛舌油脂豐富夠彈性；牛板腱肉味濃多汁；墨汁墨魚丸爽口彈牙；多春魚甘香鮮甜，食物無預先醃製，所以盡顯食材嘅新鮮度，原汁原味食更見餐廳對食材嘅新鮮度有信心✨總括而言，呢度位置周腳，食材來貨新鮮，環境更加係無得彈⭐️加上價錢同用餐時間都合宜，所以我同朋友兩個人都食到捧住個大肚腩離開🙈